Sunday, June 19, 2016

رسالة الى سكان الفضاء










عددنا كبير،  ننتظر الأسماء حتى يتم مناداتها للدخول الى غرفة المقابلة الشخصية للوظيفة الجديدة 


جميعنا  في نفس المكان لمده اكثر من ساعتين 



و اتحدى الجميع لو كنّا سنتذكر ملامح بعضنا البعض 





الكل منكس الرأس 



يتأمل في جهاز هاتفه 



لا تواصل بين الناس 



سنغدو كوكبا صامتا بعد سنوات 


*********************


يا سكان الكواكب الاخرى 



ان كنتم تفكرون  بخطط لإحتلالنا 



أعيدوا النظر 

و ابحثوا عن كواكب  اخرى 


فنحن سكان الأرض 

شعوب مملة 

قد نسيت معنى 

التواصل 

Monday, June 06, 2016

The Enchanted Valley , Oman



Sorry for the delay for not posting about this adventure , as soon as I arrived in Kuwait because I left again to Rak . Yes it was a well spend summer vacation among the GCC countries ;)

I was not planning to register  for  any adventure until September , but I couldn`t the resist the Images sent to us by one of the Husaak Guides


This adventure called "Waterfall 2 " or as I named it  " The Enchanted Valley " .

One of the best & amazing adventures with Husaak that I will keep going back again , magical , easy & comfortable  . The scenery was beyond my imagination that I started to wonder , What heaven looks like ?

I called it enchanted , because, for a moment there , I thought that I am going to spot a fairy or a unicorn , my words will never explain the real emotions or feelings during the adventure , it is hard for me to transfer the experience to you in a post .

The adventure has 2 parts , The magical valley , most of the hike was in the water which is my favorite hike and  The second part is on beach , where you can watch and swim with the turtles




for more details , just follow @Husaak

صلتك بالله #اصدق_تواصل . صفا أم حمودي





 ما احب احط إعلانات مع إنه اللي قاعدين نشوفه من تنافس بين الشركات بلإعلانات برمضان يستاهل وايد بوستات نسولف فيها 


بس هلإعلان غصب طيب راح احبه عشان حمودي ولد اختي  و صفا  


Ramdhan 2016


صباح الخير و مبارك عليكم الشهر 


سبحان الله شعوري السنة برمضان وايد وايد غير الحمدالله ، لازم اقول و الصج و ما راح امثل عليكم ، كنت ادخل شهر رمضان و دايما دعائي في طلب  بس اطلب و الله 

ادري الله سبحانه و تعالى اهو الوحيد اللي لازم ننذل له و نطلب اللي نبيه منه 

بس سبحانه من فترة احساسي كله بس حمد و شكر على كل شي صار بحياتي  كل شي 


الحمدالله يا رب اللي بلغنا رمضان و يا رب الله يتقبل منا و منكم يا رب العالمين 


Good morning everyone & Ramdhan Kareem , wishing you all a blessed Ramadhan . 

This year , my feeling is different , I feel thankful & grateful for my life , things changed a lot since last Ramdhan , 


Thats Why , all what I can say is ALhamdullah 




Tuesday, May 31, 2016

افلام الأطفال و افكار للكبار فلم : The Angry Birds




كنت مواعدة حمودي ولد اختي انه نروح السينما و أمس وديته مع مرت اخوي و ولدها و رحنا فلم 
The Angry Bird 

كلش مو نوعي اقيم افلام و لا اقول شي بس حبيت الفلم و ضحكني وايد ، الفلم احسه حق كبار لأنه فيه واي قطات و ايحائات بس ترى اليهال ما يفهمون و حده راح يطوف عليهم بس والله ضحكت وايد 

وحده من الأفكار اللي اعجبتني و حسيت انه فيها منظور سياسي نوعا ما ، فكره "الهاء" الشعب بالحفلات و الأنشطة و الإحتفالات و نخليهم يحسون انه هالأشياء اهيا الصح و من الناحية الثانية الأشخاص اصحاب النفوذ قاعدين ينهبون و يبوقون الخير 

هالمشهد لما قبيلة الخنازير قاعدين يحاولون يبهرون الطيور بلإختراعات اللي عندهم و الحفلات و الأغاني و من ناحية ثانية قاعدين يبوقون البيض 




والله الفلم وايد افكار ممكن نركبها على واقع سياسي ، عموما الأطفال ما يقدرون يستوعبونها من برائتهم و لأنهم اطفال بس احنا الكبار ممكن انه نربط وايد اشياء يالواقع 


انا مو كاتبة عشان اقول لكم تروحون او ما تروحون ، انا عجبني و ضحكني وايد و حبيت افكاره 


حبيت فكرة العصبية و انه شلون الإنسانا لازم يكون واعي 

اكثر فقرة  ضحكتني لما المدربة مالت الغضب ، ذكرتني بوايد من مدربين الطاقة و السعادة و مادري شنو انه بوقت 
الصجية قالت لهم انسوا اللي تعلمتوه ههههههههههههههههه


آسفة بس احس كل هالمدربين ممكن يكونون يمثلون و الله 


تغيير الشخصية و الذات ما ايي الا من التجارب الصراحة مو من هالجلسات و الدورات 


انزين لا اروح بعيد 

اذا رحتوا الفلم قولوا لي شنو الأفكار اللي حسيتوا فيها ؟؟ 


و اذا بتروحون عطوني رايكم 

Sunday, May 15, 2016

حب بلا شروط




النقاش و الحديث في هذا الموضوع لا ينتهي ، منذ سنوات و انا ادخل في نقاشات محاولة فهم ما يقصدونه ، سأتكلم  جوني امرأة و نقاشاتي مع النساء من حولي 
التعبير عن الحب في العلن ، بين المعارض و المؤيد ، بين المستنكر و المتقبل 
سمعت العديد من التبريرات : 
الازواج الذين يعبرون عن حبهم بالعلن ، يخفون مشاكل عديدة و يعانون من برود بالعلاقة !!! 
عاداتنا و تقاليدنا لا تسمح . 

عيب 


ليش جدام الناس 


و العديد و الكثير من التبريرات . 


احزن كثيرا عندما تتردد هذا التبريرات من نساء!! خلقن ليحملن الحب في قلوبهن التي تتسع لاقصى حدود المشاعر ،تطرقت لهذا الموضوع في العديد من كتابتي ، و لن اتوقف . 
الحب من اسمى المشاعر فلم لا نجاهر به ؟؟ بلمسة يد ، باحتضان بسيط و بقبلة على الرأس !! لا أعتقد بأنه من المخجل ان يعبر الحبيب حبه باسلوب راقي ، يحتفل به امام العالم و يفتخر به 


هل سنتغير ؟؟؟ 

أم سنظل مجتمعا يحلم بالحب و هو يملكه ، مجتمعا يعتبر الضحكة نذير شؤم ، مجتمعا يقتل الفرح و ينتقد الحب ؟؟؟ 



Wednesday, May 11, 2016

A life After marriage Post : سالفة ....




بسولف 


في شي و الله يخليني استغرب على كثر ما انا وايد وايد احب ج وواثقة فيه و الحمدالله قاعد يزيد هالشي 

احس مرات مرات اني اصير مينونة 

اغار  حدي 

اموت من الغيرة من مواقف مالها سالفة و الله 


المفروض الشي اللي يحتاج اغار و اعصب عادي اطوف 


بس سوالف سخيفة اقعد اتنرفز 

و بعد على حسب الظروف مرات انا اكون انا تعبانة و متوترة فاحط حرتي فيه 


الحمدالله اهو فاهمني وايد مو شي و الله 
عادي يطوف لي هالحركات 


و الله من يومين صارت سالفة و الله تفشل بس بقولها  كنت سهرانة مجابلة التليفون و ج نايم يمي 

المهم علاق الملابس الظاهر صار ثقيل و طاح 
الصوت اللي طلع وايد يخرع بس ج ما قام من النوم بس حسيته حلمان 


تعرفون مرات لما الأصوات الخارجية تدش الحلم ؟؟ اتوقع هالشي صار له جان يتكلم و اهو نايم !!!!تتوقعون شنو قال 







قال اسم 

"وحدة" 


بس مو اسمي طبعا !!!تخيلوا شصار فيني ؟؟ 



كان عادي اخذ المخدة و اقمته 



و الله العظيم امبيه ينيت مادري شصار مادري و مابي اقعده من النوم عادي يذيحني 

و بعدين يمكن ماكو شي و مسكين حلمان 

بس ليش ما قال اسمي ليش ؟؟؟؟؟ 



طبعا 

مابقى سالفة ما يت فبالي و الغيرة لما تضرب بالمخ تشغل زر التأليف و الخيال و ما بقى قصة ما تشكلت براسي 


افلام و الله 


المهم كتبت له وتسبات شكثر ابيه يقرا لما يقوم و من سالفة لي سالفة و دشيت بمليون سالفة 


قام الصبح مسكين و انا تعبت تعبت من النومة و الله ما نمت عدل 

قعدني من النوم و اهو يقولي من صجج هالكلام ؟؟ انتي من صجج 


طبعا ما يدري ليش كتبت له جذي 


 
و لما قمت من النوم انا حسيت انه السالفة تفشل و سخيفة

بس لازم اقوله الصج شسوي 


يعني موقف يفشل الصراحة و استحيت من عمري 


بس شسوي اغار