صراحة النفس

 

 

 

 

"و إلى أن تطمئن و يهدأ قلبك

كلي أنا لك متسع "

 

 

شكرا لكم ، شكرا للعدد الهائل من الرسائل التي وصلتني في المدونة ، انستغرام و لمن تكلمت معي بصراحة ، فتحتن قلوبكن لي و ايقنت بأننا بحاجة للاعتراف بمشاعرنا الحقيقية و ما يحصل لنا

 

أتمنى ان نصل لمرحلة تتحدث فيها الأمهات عن الحقيقة و الإبتعاد عن المثالية خصوصا في مواضيع الحمل و الولادة

 

التحدث بصراحة راحة للقلب و النفس

 

الحمدالله

 

 

اشكر ثقتكم فيني 

كل وحدة كلمتني و قالت لي اني قدرت اساعدها لو  بشكل بسيط


انا اللي لازم اشكركم


اكتئاب الحمل و الولادة موضوع وايد جدي ووايد مهم و يحتاج اهتمام اكثر
لا تقولون ابد انه نبالغ او "نتدلع"مافي احد يبالغ و يمثل شي متعب مثل الإكتئاب



ودي أوصل الموضوع حق أي استشاري او دكتور و يصير في توعية بالموضوع اكثر


اختي تقول بامريكا من تولدين ايون يسوون لج الإختبار الخاص بالإكتئاب

بس ادري احنا هني ما يهمهم بعد الولادة الا الاستقبال



اللي ما مرت بالشي ابدا لا تستهزئ بالناس اللي مروا فيه ، كل رحلة حمل و كل ولادة مختلفة


وضعي الحالي


اللي متابعيني بسناب و انستغرام قاعدين تشوفون انه  الحمدالله ردت حياتي طبيعية لدرجة بعد انه وزني زاد حسافة ههههه


الداعم الأول

جاسم


و الله العظيم ضروري يكون في تفاهم و صراحة بين الزوجين عشان تعدون هالمرحلة على خير


اموري بدت تستقر وايد و عرفت انظم روتيني مع ريومة

صديقتي تسنيم كلمتني و قالت لي كل وحده ام زينة بطريقتها الخاصة


و هذا اللي انا سويته انا ام بطريقتي


بإذن الله احتمال كبير ارجع الدوام راح يكون هالشي وايد ممتاز ينظم حياتي


و الله يسهل على الكل


دايما راح أحاول مع نفسي اني أكون صريحة معاها و دايما راح أكون واضحة و اعرف شنوو ابي



جربوا هالشي و صج راح تحسون بالراحة

اسف البوست مو طويل و ما فيه وايد معلومات مفيدة


راح اعوضكم باذن الله