من أحس انه الأفكار بدأت تتشكل بعقلي على طول قمت افتح البلوق و اكتب و بعض الأحيان اكتب افكاري بالنوت لا انساها
و طبعا هالأفكار ما تيي على البال الا بعد مواقف نكون مرينا فيها
كنت طالعة مع قروب من الصديقات تعرفت عليهم من سنة تقريبا ، استمتعت معاهم بكل لحظة و بكل دقيقة ارجع من الطلعة و انا جدا فرحانة و مستانسة
قعدت افكر ؟؟
قبل لا اتعرف عليهم ، كنت تقريبا ممتنعة من اني اكون صداقات يديدة و كان قرار مني اني مكتفية بصداقات الطفولة
و كان جدا جدا "قرار"خاطئ
"أخترت"
اني امسح هذا المعتقد اللي براسي و اليي يقول انه بعد سن ال 30 لا تكونين اي صداقات يديدة
بالعكس
دخول اشخاص يدد بحياتي في هذا العمر وايد مفيد ووايد ساعدني من تخطي صدمات من اصدقاء كانوا بحياتي
مادري ليش كنت اتأثر لكن بعد عدة مواقف
بديت اتوازن
الصديق رقم 1 بحياتي حاليا
اهو ج
مو عشان انه حبيب او زوج
هذا الموضوع مختلف
لكن من ناحية موضوع الصداقة
اهو الصديق المناسب لي
بس ارتاح معاه من كل النواحي
وايد بنات ممكن بعارضون هالموضوع
بس اهو صديقي رقم واحد
و الصداقات اليديدة اللي دخلت حياتي
وايد وايد مخليتني مرتاحة و سعيدة
لا تسكرون الباب ودايما فتحوا مجال لأصدقاء بحياتكم
الصداقات اليديدة راح تزيين حياتكم
No comments:
Post a Comment