استهلاك الإيجابية

كتبت أكثر من جملة و مسحتهم عشان ابدى الموضوع 

في هالوقت صعبة انه الشخص يقول كلمة و ما يطلع له احد  و يفسر انه الموضوع عنه 

عشان جذي مو عارفة و لا قادرة اتكلم و لا اكتب براحتي الصراحة 

نوعي ما احب احط فبالي و أقول و الله اليوم بتكلم عن هالشي لأن ما اسويه 

أحب الكتابة تطلع بروحها بدون ما أفكر بلأفكار عشان جذي انا وحده ما يصلح لي اني اسوي كتاب 

في شي فبالي 

أحب الناس الطبيعية 

اللي تتكلم كلام طبيعي  ، كلامنا  ، مصطلحاتنا 

ما اتحمل الكلمات المستهلكة اللي قاموا الناس يستخدمونها على طول 

طاقة ايجابية ، تنمية ،قوة جذب ، عقول راقية ،نية

اتفق معاكم الكلمة الحلوة و اللي لها معنى تأثر على حياتكم

مثل ما حطيت في البوست السابق



لكن انه كلامكم الطبيعي اليومي كله جذي !!!و يطلع اكثر في وسائل التواصل الإجتماعي


الكلام النابع من القلب وايد اقرب بالنسبة لي شخصيا على الأقل


لما احس وحده تكلمني و تكلمني بمفردات عادي و بأسلوب طبيعي راح تقدر تقنعني و توصلي معلومه اسرع


لكن تغيير نبرة الصوت اللي فجأة و الإبتسامة اللي مادري شلون و الكلام اللي عبارة عن كتاب لا لا


طبعا هذا رايي الشخصي


عشان جذي انا احب اقرأ اكثر من اني اروح محاضرة او اسمع

قبل سنين كان هالشي يضايقني الصراحة بالبنات اللي يتكلمون بالدين فجأة تتغير طريقة كلامها مو طبيعية
و هالشي خلاني ما احب اروح دروس دينية


بعدها شفت اكثر من داعية تينن

و بالحج بعد
كانت نفسنا ، بنت نفسنا يطرقة كلامها و مفرداتها

حبيتها


بعدها طلعوا لنا اصحاب الإيجابية و الطاقة و الهالة و الإمتنان


ما انكر الكلام حلو و قوليه

كتبيه بمواضيع

لكن لا تتصنعينه نهائيا



و ارد و اقول انا اتكلم عن نفسي مو عن اي شخص آخر



عاد لا تقولون هذي تدز لنا طاقة سلبية و مادري شنو هههه