Sunday, November 29, 2015

معرض الكتاب او معرض "الجمهور عاوز كده "





جولتي السريعة في معرض الكتاب ما تعطيني الحق نهائيا اني اقول رايي او اقيم ، و اساسا انا مو من حقي اني اقيم الكتب الموجودة لكن رأيي كشخص من الجمهور حول بعض الأمور اللي شفتها يهالجولة السريعة 



قاعة 5 على ما اعتقد  و هي القاعة اللي فيها دور النشر من مصر ، لبنان و سوريا و ما اذكر بالضبط اذا في دول اخرى 

هذه الدول اللي تتميز بالكم الهائل من كتب الثقافة مع انه صديقتي المهتمة بالقراءة تقول انه حتى هذي المكتبات ما كانت يايبه الكتب المتميزة 




الله يوفق الجميع ان شاء الله 

لكن الكم الهائل من الإستعراض اللي صاير من دور النشر الكويتية لا يحتمل 

من متى هالشي عندنا ؟؟؟؟ 


كتب بالهبل و اغلبها خواطر و روايات عجيبة و غريبة 


اكيد في ناس مميزين و يستاهلون لكن للأسف الشين قاعد يخرب على الزين 


:مشاهد من اللي شفته بالمعرض على السريع 


بنت و مابي اقول شنو كانت لابسة و لا شنو حاطة  بس الشكل نهائيا مو حق معرض كتاب قاعدة تكلم واحد من الكتاب الشباب تقوله 

دزبت لك كيكة وورد و حلو السنة اللي طافت و رديت دزيت لك السنة لكن لا حياة لمن تنادي ،ليش ما ترد علي !!!ما فهمت الصراحة شنو تبي منه 




طبعا كل الكتاب الشباب واقفين بالمكتبات ورا كتبهم ، هذا الشي ينرفز ما اقدر اخذ راحتي لأن احس عينهم علي !!!الصراحة وين قاعدين ؟؟ تدللون على كتبكم ؟؟ 



الكتاب هو اللذي يمثل الكاتب و ليس الكاتب !!!الله على ايام انه الكتاب ما يكتبون بأسماء الحقيقية و ينشهر الكتاب و ما يدرون منو الشخص اللي وراه 


المهم وحده منهم قاعدة تقول حق الثانية  لازم رييلج (زوجج)يفتخر فيج انتي الحين "أديبة"!!!معقولة ؟؟ أديبة مرة وحده ؟؟ 

مو فاهمة الصراحة شقاعد يصير 




و شخص بالسوشال ميديا انشهر بإسلوب جدا بذيئ اعتقادا منه انه هذه شخصيته كتابه متروس اخطاء لغوية متروووووووس 


شلون دار النشر سمحت له ؟؟ شلون نشرت له ؟؟؟ 


الجمهور عاوز كده ، هذي المقولة دخلت في كل مجال بحياتنا 





مو سلبية لكن 

مادري شقول الصراحة 





المهم الكتب الممنوعة من وين نقدر نحصلهم ؟؟ 

3 comments:

Noura H. said...

مايشوق أبدا المعرض بغض النظر ان هم لقينا شي زين بس مو معقولة كل الكتب المرشحة والي ماخذه جوائز ممنوعه..بزمن النت خلو الرقيب هو الانسان نفسه .. والكتب الممنوعه تنشرا بالسفر

sashdesigns said...

اااااه كلامك بالصميم.... من سنين قررت اقطع معرض الكتاب للاسف العرب قوم لا يقرأ و ان قرأ لا يفهم و انه فهم لن يطبق بالطريقه الصحيحه

Tasneem said...

خوش وجهة نظر اعجبتني.. دائماً واضحة وصريحة باسلوب راقي ومهذب.. احييك عزيزتي