شلون نتصرف ؟؟؟؟

واااااااي الكلام اللي براسي و يطلع بالليل و اقوم الصبح و انسى اكتبه ، حسافة مرات في افكار و مواضيع لازم اكتبها 

بس ماشالله الإسبوع يطير ووايد مشغولة ، في شي جميل جميل قاعد يصير بحياتي يخص انسانة وايد احبها ، الله يسهل يا رب 

أمس اذا متابعيني بسناب و انستغرام يمكن شفتوا اني رحت صبغت شعري و صج كنت شايلة هم السالفة انا كسلانة و كانت مشكلة اللون بشعري مآساة بس الحمدالله كل شي صار احلى من ما تخيلت 

الصالون اللي رحت له اسمه 

Ash Beauty 

و كل التفاصيل بانستغرام 

ما ودي اتكلم بهالموضوع اللي بقوله الحين ، لأن الشي صار طبيعي و تعودنا عليه و ما نبي نعطيه أهمية بس يت فبالي افكار ودي اشارككم فيها 

الكل ، الكل بدون استثناء تعرض حق هالشي ،ناس غريبة مادري من وين تطلع و تقعد تعلق ، تسب و يوصل مرات الإسلوب لدرجة القذف 

حتى الأطفال تخيلوا ، اختي صفا دخلت السوشال ميديا و عرضت تجربتها وصلها سب و قذف حتى الطفل ما سلم من هالناس بس الحمدالله عندها محامي و قاعدة تعرف منو هالناس 

المهم لأن بين فترة و فترة نسمع و نشوف انه في ناس تضايقوا و يطرحون الموضوع 

شلون التصرف 

كل قناة سوشال ميديا اهيا خاصة بالشخص فيها يكتب فيها اللي يبي و يتصرف فيها مثل ما يبي لأنها مثل بيته 

متى لازم نقول ستوب ؟؟؟ اذا بالتعليق الواحد ذكر اسم الشخص او حط له منشن يقصده 

1

من فوايد السوشال ميديا 

البلوك ثم البلوك ثم البلوك 

بس تدرون وين المشكله الكبيرة ؟؟ اذا مسوين بلوك للشخص لكن هالشخص ينتحل اسماء وهمية و للأسف ما يدرون انه المباحث الإلكترونية تقدر تطلع كل البيانات الخاصة بالحساب و هذا صار مع تجربة اكثر من شخص و اكتشفوا انه مجموعة من الأكاونتات الوهمية ترجع لشخص معين 

من السوالف اللي سمعناها انه المفاجأة تطلع لما يعرفون صاحب الحساب 

مرات يكون طفل ما عدى ال 10 سنوات 

و اذا رفعوا قضية راح يبتلش ولي الأمر 

مرات بنت و راح تدش بمشاكل مع اهلها 

و مرات ريال متزوج و ابو عيال و لو تنرفع عليه قضية مستقبله ينتهي 

2

بلأول و الأخير 

هذي مشكلتهم ، كلامهم ، نظرتهم ، فكرتهم مو انتوا 

3

هل هالكلام صج ؟؟ يمثلكم ؟؟ عيل ليش تتضايقون ؟؟ 

صح مرات ودكم تفشلونهم ههههه بس لا لا طاف 

4 

تكلموا و سولفوا عن الموضوع 

مع اشخاص حولكم 

او كتبوا ، أكيد الإنسان يتضايق ، اعتقد كلكم شفتوا آسيا حبيبتي شلون تضايقت 

مع انها انسانة قوية لكن الواحدصج مرات ينهار 

5 

اللجوء للقضاء و جدا سهل ربح القضية 

بس شخصيا ما افضل هالشي لأن حرام يضيع مستقبل بنت او عايلة بسبب شي جذي 

بس اعرف اكثر من وحده يقولون انه الناس لازم تتعلم الأدب و يستاهلون 

طبعا انا دورت وايد و لقيت انه هالشي مشكلة عالمية مو بس احنا 

الغلطة اللي اغلبنا نتعرض لها انه نرد بنفس الوقت 

لازم الواحد يهدا شوي بعدها و الله راح يضحك ، مافي مانع للأشخاص المشاهير و اللي السوشال ميديا وظيفتهم انه يحطون محامي لهم يمسك عنهم هالمواضيع 

و بالنهاية 

الحياة جميلة 

;)