صاير لي فترة عايشة بجو مآسي مادري ليش ؟؟؟ في اخبار مرت علينا غصبن علينا و احداث صارت اخرها حادثة الحرم الله يرحمهم يا رب و يتقبلهم شهداء
الأحداث تصير من حولنا بس انا ليش ادور الحزن ؟؟ مجابلة يوتيوب و بس اطالع مآسي و قلبي يعورني و اتأزم
انا من الناس اللي يتأثرون وايد وممكن امرض
مع انه شخصيتي كلش مو البنت الدلوعة بس اي احداث لها علاقة خصوصا بالحرب ممكن تخليني اتعب ، عاد اليوم قلت خلاص ماكو سوالف حزينة بيوتيوب
يا رب انك تحفظنا يا رب
الأحداث و العالم صاير غريب و يمكن لأن قمنا نعرف الأخبار اول بأول عشان جذي
احتاج الهدوء
و بالضبط اللي احتاجه سفره هادية بعيدة عن كل شي
بس حاليا الظروف ما تسمح ، خلصت كل ايام الإجازة و داشين بعد على بنيان للبيت ان
شاء الله
شنو ابي الحين بهاللحظة ؟؟؟
ابي اسمع صوت البحر
و اكون قاعدة معاي كتاب و الجو حلو
يعني بالضبط ابي المالديف ههههههههه
No comments:
Post a Comment