صباح الخير ، ووصلنا نهاية الإسبوع على خير الحمدالله يا رب ، احتاج انام نوم موطبيعي مع اني الحمدالله نومي وايد تعدل ويين ايام قبل و الحين فرق
أمس كنت في مارينا أف أم في برنامج سالفتنا اللي اطلع فيه بين فترة و فترة ، مع انه الموضوع امس وايد ايد وايد مشوقني ما احس اني عطيته حقه
ماشاء الله تبارك الرحمن كانت معانا الشيف هنوف البلهان ، انسانة جميلة و كلها مشاعر و رقيقة ، تبارك الرحمن اهيا قارية وايد كتب و على ما اعتقد اهيا داشة في هذا المجال اللي اهو التنمية البشرية او شي جذي
انا عندي جم وحدة من رفيجاتي في نفس المجال ، الشي اللي انا شخصيا مو قادرة اتقبله الصراحة و مو منهم الغلط ترا يمكن مني
انهم يقولون مصطلحات و كلمات من خلال تعمقهم في هذا المجال بالنسبة لي انا ما احسها عفوية و لا طبيعية
بالعكس كلامهم صح وممكن وايد من الناس يتأثرون فيه بس انا ما يوصلني لأنه احس الكلام من كتب
المهم الموضوع كان عن الحب
و هل ممكن نحصل الحب اللي نبيه ؟؟
شرح الشيف هنوف ماشاء الله ممتاز ، بس ما احسه انا
و بالضبط نفس الوضع مع اكثر من شخص داش في مجال التنمية البشرية و الطاقة و هالأمور
احس في تفسيرات للأمور وايد وايد لدرجة انها تصير صعبة و مملة
وايد وايد يحللون الأمور و يفصلونها بزيادة لين تفقد طعمها
بالنسبة لي مشاعر الحب عظيمة و شي وايد كبير و بنفس الوقت بسيطة
الحب شي اساسي بحياتي ، و اساس استمرار زواجي اهو الحب
و لا يمكن اسوي اي شي ما احبه
و لا اتكلم مع شخص ما احبه
الله سبحانه و تعالى انعم علي في هذي النعمة اللي اهيا الحب في زمن الناس تعتقد انه الحب تمثيل
و نرجع للسوال
هل وجدت الحب الذي اريد ؟؟
الحمدالله و اكثر من اللي ابي
بس هذا الشي اللي كنت ابيه
مع اني ترا وايد واقعية و افكر بعقلي
بس الحب بالنسبة لي اساس الإستمرار
مو التعود ترى ، و اذا الشخص اللي معاي مو قاعد يعطيني الحب اللي ابيه ما راح اقدر اكون معاه
الحب احساس و مشاعر بسيطة تختلف من شخص لي الثاني
و كل شخص له نظرة بهالموضوع
No comments:
Post a Comment