اليوم يوم الأحد السعيد ، مع دوام المدرسين و طلبة الجامعة الزحمة كانت شي ما ينوصف ، اتوقع خلاص لازم ما نسولف عن الزحمة كلش و نتقبلها
اكثر شي يضايقني لما احس اني مو قادره على الكتابة يحوشني هالشعور و يضايقني ة، انا احب الكتابة و لما اتوهق جذي احس انه في مشكلة
مرات فبالي يتكون الموضوع فلازم على طول اكتبه و لا راح انسى
بس هالأيام حتى فبالي ماكو مواضيع
الصراحة ماكو شي يديد قاعد يصير بيومي ، روتين لكن مو متممله منه بالعكس وايد مرتاحة
لكن روتين
و مابي اكسره الصراحة
لأني مرتاحة و لي الحين ما مليت منه بس هالشي ممكن يخليني ممله ؟؟ ما عندي سوالف يمكن
الحمدالله انا و ج قادرين نسولف لأن صايرين نفس الروتين و نفس الإهتمامات
لكن مع الناس مو قادرة مادري ليش
قبل لما امر بوضع جذي اقول لازم ادخل شي يديد بس الحين انا مابي والله مرتاحة
خل اصبر شوي يمكن تييني الأفكار
No comments:
Post a Comment