Sunday, August 30, 2015

حرم فلان الفلاني




لما اختار اشهر عازب بالوسط الفني جورج كلوني "أمل علم الدين"للزواج العالم كله اختب و احنا بعد ، لكن بعدين لما عرفوا منو اهيا "أمل "احترموا هذي الشخصية و عرفوا انها مو بس بنت تبي تتزوج محطم القلوب جورج كلوني 



جورج كلوني اختار "أمرأة"ذكية و ترا مو وايد رجال يحبون هذي الشخصيات من النساء للأسف 

اذا ارتبطتي بشخص ، يحب عقلج و يحترم تفكيرج و ما يستصغرج 


لازم تعرفين انج ارتبطتي بأفضل رجل بالعالم 

شنو اللي خلاني اكتب بهالموضوع ؟؟؟؟


هذا التويت 



التويت من وكالة الأنباء
The Association Press 
مكتوب فيه : أمل كلوني "زوجة ممثل" و هي اللي تمثل صحفي قناة الجزيرة ......"


أمل كلوني هي "زوجة الممثل"و بس !!!!

لا والله ؟؟ الخبر كله ماله علاقة انه يكتبون زوجة الممثل 


ويكيبيديا كاتبين 
محامية وناشطة حقوقية وكاتبة بريطانية من أصل لبناني تخصصت في القانون الدولي، والقانون الجنائي، وحقوق الإنسان، وتسليم المجرمين. تعمل حالياً محامية ومستشارة قانونيةومحامية دفاع أمام المحاكم العليا في دوتي ستريت تشامبرز بلندن.[2]

طبعا التويت هذا وايد صارت عليه اعتراضات و استنكروه 

لأن غلط الكلام اللي انكتب الصراحة 

شرايكم 

هل بمجتمعنا الرجل يحب الزوجة الذكية ؟؟او لأ ؟؟ 







1 comment:

LadyB Wonderland said...

من صجج ؟ اللي عندنا يخاف اصلا تطلع زوجته اذكي منه ولا تفهم شلون يوايه ربعه واهله