Tuesday, August 25, 2015

تقبل زوجتك تخاف منك ؟؟؟؟





للأسف اليي راح يجاوب و يقول اي ، رجل شخصيته مهزوزة 


و للأسف انه مجتمعنا و بهالوقت و مع كل هالتطور اللي عايشينه و كل هالإنفتاح ، لي الحين في رجال عايشين دور السي سيد و يعني انا الرهبة و اللي اهز الأرض لما امشي !!!!شنو هالحياة اللي عايشينها هلأشخاص ؟؟ 



منو نلوم هني ؟؟ البنت اللي رضت تعيش بخوف ؟؟ ما تقدر و تخاف تقوله بروح حتى الجمعية ؟؟ تخاف تواجه ؟؟ و تخاف حتى تطلب منه اقل الطلبات ؟؟ 


شنو نتوقع نتاج عايلة جذي ؟؟ العيال لما يشوفون امهم جذي ، شنو الصورة اللي تعكسها حق بناتها ؟؟؟ 

لا تقولون لي غصبن عليها و زوجها و لا زم تحترمه !!!


"تحترمه"

الإحترام شي وايد وايد كبير و بعيد وايد عن مفهوم الخوف و التسلط 


احترمه ، احترم اسمه و بيته ، ابوس راسه بالدخلة و بالطلعة و احبه بس ما اخاف منه 


شريك حياتي ، و الزواج ندخله نعيش بسعادة مو بهم و خوف 




ما راح اتكلم عن الريال اللي شخصيته جذي لأن معروف المتسلط و اللي يخرع زوجته بره البيت مسكين او عند وحده ثانية راح تكون شخصيته غير 


راح اتكلم عن البنت اللي راضية انها تكون جذي 

و هذا غلطها 


و اكرر و اقول غلطها 

و هالشي ماله علاقة بالشهادة او بالتعليم حولنا وايد نماذج 



ما اشيش البنات بس لا تصير دواسه يدوس عليج 


لأن تأكدي مليون بلأمية 

انه هذا عنتر اللي مسوي نفسه شي عليج 

و الله العظيم في ناس دايسين على راسه بره البيت 


من حقج تعيشين حياة صحية و سليمة 

اذا مو عشانج 

عشان عيالج 





و سؤالي للرجال 

تبي زوجتك تخاف منك ؟؟؟؟؟ 

No comments: