اي انا من الناس المرابطين اللي داومت بعد العيد ، و ما اصدق اني قاعدة انام مبجر و اقوم مبجر ، ما اصدق
طبعا في هالفترة و خصوصا الصيف الشغل ميت بس الحمدالله
طبعا اللي كانوا معاي من البداية يدرون عن لوية الدوام عندي بس الحمدالله الله سبحانه و تعالى عوضني بمكاني اليديد وايد وايد مرتاحة
اكيد قلبي يعورني على السنين اللي ضيعتها و الشغل اللي اشتغلته
بس
الحمدالله على كل حال
اليوم عاد لأن خميس و بداية الويكند و لأول مره اجرب
Pick Yo
اخيرا
و الله حلو بس ما اشوف فرق عموما الكويتين لازم يسوون ضجة اعلامية
اليوم الصبح تناجرنا انا و ج على شي سخيف كالعادة
بس بعد عشر دقايق خلاص تراضينا ، سبحان الله بعد هالسنين لما تكونون مع بعض و تكونون طبعا على قلب و نفس الميول و نفس المود
ما راح تقدرون تطولون بالهوشة وايد
مثل ما قلت قبل و اكثر من مرة انا دايما انصح كل اللي يحبون بعض انه الهوشة لا تطوف يوم كامل ، لا تنامون و انتوا زعلانين
و اذا بينكم عشرة طويلة لا تخلونها تطوف الساعة
و الله الدنيا ما تسوى تضيعون وقت و انتوا متزاعلين
تصدقون انه وايد ناس عبالهم ابالغ ؟؟ اشوا انه تفكير الناس قبل 8 سنين غير عن الحين ترا و لا جان انتقاداتهم مالها اخر عندي بالبلوق
ايام اللي كنت البوستات صج عن حياتي بالتفاصيل
الحين لما اكتب بوست اتكلم فيه عن اللي قاعدة احس بالصج لازم تطلع لي محللة نفسية
ان شاء الله تستانسون بالويكند
انا من الإسبوع الياي راح ارجع النادي و الله يسهل علي يا رب
No comments:
Post a Comment