Friday, July 10, 2015

لحب أقوى






كنت اتكلم مع ج عن وايد مواضيع و منها عن علاقات بعض الازواج ، قلت له اللي يحب زوجته لا يمكن انه يقولها بتزوج عليج لا يمكن ، فقال لي لا فيه و اصلا كانو ماخذين بعض عن حب ، المهم مع النقاش وصلنا للنهاية انه مو شرط الحب قبل الزواج يستمر و يتطور و هذا سبب المقولة المشهورة " الزواج يقتل الحب " 

في شي غريب يصير بعد الزواج ، اندماج و تبدون تصيرون شخص واحد ، و اتوقع هذا الشي اللي مو قاعد يصير بالعلاقات اللي تفشل بعد الزواج 

هذي نعمة من الله سبحانه و تعالى  عشان جذي اللي تدعي انها تتزوج خل تدعي بالحب بعد الزواج 

الحمدالله رب العالمين ، الحب شي جميل و بالزواج وايد حلو الله يتمم 

المهم في بعض الأمور الحلوة اللي تزيد و تقوي العلاقة و أهمها بالحوار 

كلمات مثل "مشكور حبيبي " مشكورة حبيبتي " تزيد قوة العلاقة 

انكم تاخذون راي بعض " شرايج بالهشي " او شرايك " 
 و شي مهم "الاعتذار" من الطرفين ، لا تنامون و انتو متهاوشين كلش كلش 

مثل هالامور تقوي علاقتكم وايد واكيد في اشياء اكثر . 


انا انسانة احب "الحب" و بدونه ما اقدر اعيش فكان ضروري اني اعيش حياتي كحبيبة و مو زوجة و بس 

محظوظ اللي عايش عالحب بالزواج الله رازقه نعمة غيره ما يدري انها موجودة الحمدالله 

1 comment:

طيف الأمل said...

فعلا استمرار الحب بعد الزواج يعني حياه أفضل وأجمل