Monday, July 06, 2015

سوالف

فيني سوالف ، و كنت مو منزلة الابليكشن ، فلما أقرر اني اكتب اكون ناسية السالفة 

المهم ، ودي اتكلم عن بداية الفترة اللي كنت فيها حامل ، صارت لي مواقف مع ناس ضحكتني 

في ناس تقول و تعلق تعلقيات تضحك والله ما يصير تقولون جذي حق وحده صار لها فوق ال ٨ سنوات مو حامل و تصدمونها . 

خل اقولكم بعض التعليقات 

- خلاص ماكو نوم انسي انسي ، بس الراحة و الوناسة انتهت !! 

- بعد الحين ماكو سفر على كيفكم .

- خلاص الحين علاقتكم راح تتغير انتي و رييلج 

- بس بس راح تبدى المشاكل 


الصراحة كلش كلش ما تونسون ، نهائيا لا تيبون هالطاري ، الأمومة شي حلو و الوحدة برضاها راح تكون مستعدة انها تضحي بس ما تقولون لها في بداية الحمل و اهيا متنرفزة وواصلة حدها . 


صج انا كبيرة و عقلي كبير بس بذيچ الفترة كان مخي ضارب الصراحة !! 

نفس البنت اللي توها تتزوج و يقولون لها خلاص و يالله عاد يسطرون لها لستة الممنوعات 

الصراحة نفسيتي كانت تعبانة و الكلام كان يأثر فيني وايد ههههه الله يهديهم 

كنت ارجع و ابجي و ابجي طول الليل و اقعد ج و اقوله ، تعب و اهو يقول حتى لو كلامهم صج انا معاج "غير" . حرام تعب معاي وايد 


الحمدالله على كل حال بدت أموري ترجع لطبيعتها ان شاءالله بروح اجدد اشتراك النادي ، و بشترك وجبات باذن الله خل اطيح چم كيلو شوي . 



رسالة : 
معاك الدنيا شي ثاني 

1 comment:

طيف الأمل said...

الناس تحب هذه التعليقات ومايخلى سوالف بدونها لكن بوعينا مانعطيهم بال ونستمر بحياتنا والحمدلله تمشي الامور