ِ A Life After Marriage Post : اعذار الزوج الدعلة بالسفر

وايد من المشاكل الزوجية اللي تصير خصوصا بهالفترة قبل الصيف يكون موضوعها الأساسي السفر 

انا مو متحيزة لكن راح اتكلم من جانب واحد و هو جانب الزوجة 

الزوجة تبي تسافر و الزوج مستعسر 

سواء عندهم عيال او لأ الموضوع نفسه 

معاند او ماله خلق او ما يبي يسافر 

بعطيكم امثلة 

و نماذج عن الأزواج و اعذارهم 

 ما احب السفر 

هذا العذر المنتشر مع انه اتوقع اخر خمس سنين ما اعتقد انه يمشي ،شنو تسوين مع هذا النوع ،لازم تعرفين صج صج اهو ما يحب ،السفر ؟؟ عرفي تاريخه ، كان مسافر مع ربعه او لأ ؟ عنده فوبيا من الطيران ؟ او صج ما يحب السفر انا احس اذا ما جرب يسافر  

مع زوجته لازم يجرب و بعدين يقرر 

عادة هذا الشخص بلأخير ماله خلق سوالف الحجوزات و اللوية ، الحين كل شي سهالة النت موجود 

انتي دشي النت و جهزي كل شي 

خط سير الرحلة و الأسعار و اسعار الفنادق و جذي و شلون تسوين الفيزا 

لا تقولين ما اعرف لأنه لازم تتعلمين  لو بروحج 

لما يشوف انه   كل شي جاهز راح يكون الموضوع وايد سهل 

اختاري اوقات حلوة للسفر و  دول تناسبكم انتو الأثنين 

بعد انتي تبين تستانسين صح ؟؟؟

في أنواع ثانية من الأعذار بس ما اعتقد الصراحة اني اعرف الحل لها سامحوني 

ما عندي مزانية و عيب انا ريال ما ارضى تشاركيني 

الصراحة انا هذا الموديل ما اعرف له ، عذره انه ميزانيته ما تكفي ، اوكي حاول انك تيمع ما تبي تيمع عادي عندج انج تحطين معاه ؟؟؟ انا من الناس اللي الحياة بالنسبة لي تعاون فما عندي مشكلة بس عادي الأخ يسوي نفسه فجأة انه لا و كرامتي و عيب اخذ من فلوس منج 

اوكي عيب تاخذ فلوس بس عادي تحكرها و تقمتها هني بالكويت ؟؟ انا السفر بالنسبة لي شي مهم بالحياة الزوجية و شي ضروري 

طبعا هذا مو الحل عندي لأني ما اعرفة الصراحة 

عيالي ما اقدر اخليهم عند احد و لا عند اهلج

عزيزي الأبو المثالي ، اذا كنت انت من الناس الي مجابلهم بالكويت 24 ساعة مو مشكلة اقدر اقتنع بكلامك بس اذا انت ما تدري  عنهم و طول فترة الشتا بالمخيم و الصيف بالشاليه شنو موضوعك ؟؟  

و اهلي شفيهم ؟؟؟؟ مو انا بنتهم ؟؟؟ خلاص نخليهم  عند اهلك 

هذا طبعا في حالة اذا بتسافرون بروحكم بدونهم بس اذا معاهم مادري شنو العذر اللي راح يطلعه 

المهم عندكم حلول او مرت عليكم نماذج ثانية ؟؟ 

قولوا لي