ملاحظة
انا مو متخصصة و لا دارسة تسويق و لا عندي شهادة بالموضوع
هذا البوست عبارة عن رايي الشخصي و نظرتي كمستهلك
التسويق بالسوشال ميديا و خصوصا بالانستغرام و مابي اتكلم عن سناب جات قاعد يتحول حق شي مزعج بدال ما يحقق الفايدة
رايي الشخصي و راي اكثر من شخص من الجمهور مو من الناس اللي لهم علاقة بالسوشال ميديا
غير موضوع المصداقية اللي اكثر شي يضايقني للأسف و صار صج صج ما عندهم اي مصداقية و لا يمكن اصدق اي وحده فيهم مع احترامي الشديد لهم كلهم
مثلا في برامج وايد عن السوشال ميديا او من خلال متابعتنا للبلوقرز العالميين
لما براند معين يبي يسووق مع شخصية مشهورة بالسوشال ميديا
ما ياخذ الجماعة كلهم مرة وحده !!!!!!
كل 3 ايام وحده لابسة لبس من المحل !!
اتوقع يختارون وحده كل سيزن وايد وايد افضل و يعطي شوي رقي للماركة نفسها
مثلا اختيار جاكوار لحمد قلم انه يسووق لهم موديل معين لمدة سنة وايد وايد ممتاز ، شخصية وحده لفترة معينة
مادري هذا رايي
عموما الناس بعد ما تصدق كل شي فهموا الموضوع فاتوقع الشركات لازم تغيير سياسة التسويق بالسوشال ميديا
No comments:
Post a Comment