رفيجي ............

من جم  يوم كلموني برنامج سالفتنا في مارينا اف ام عشان اشارك معاهم في حلقة موضوعها الحوار بين الزوجين و الأهل و اذا كان فيه حدود 

حبيت التجربة وايد استانست باللقاء اللي كان وايد عفوي و سوالف و دخلنا بموضوع الصداقة بين الزوجين اللي اهيا اساس الحوار 

متى ما كنت الصداقة موجودة  ، راح نلقى التفاهم و الحوار و ما راح تشكي الزوجة اذا زوجها ما يكلمها و ما يسولف معاها و متى ما كان بينهم حدود ضاع كل هذا 

اللي استانست عليه الصراحة اهو الإتصالات اللي يتنا من الأزواج اللي تكلموا عن اهمية الصداقة و شكثر اهيا مهمة بين الزوجين 

طبعا في اتصال ما عجبني بس هذي وجهات نظر 

و الله العظيم متى ما شلتوا من بالكم انكم زوج و زوجة و غيرتوا نظرتكم و الله الحياة كلها راح تتغير و هالكلام عن تجربة 

الحمدالله اتوقع الجيل اليديد قاعدين يتغيرون مع انه في بعضهم للأسف لي الحين ينظر حق شريكة حياته انها زوجة و ام العيال بس 

و يقعن بعدين بالدواوين يتحلطم و يقول شتبون بالزواج و لايعة جبده و نفس البنت اللي تعامل زوجها كزوج بس و تقعد تتكلمجدام البنات انه الزواج هم و بس تقعد تحن و تحن 

المهم هالموضوع تكلمت عليه وايد وايد  

يمكن مليتوا منه و الله من كثر ما اتكلم و بعد في ناس تقعد تكلمني و مصرين انه هالطريقة غلط 

عموما اللي ما يبي يقتنع كيفه بس لا يقعد يخرب على غيره الصراحة 

المهم بلأخير انا ابي اشتغل مذيعة 

:)))