انا و انت و سناب

صباح الخير و اسبوع يديد ان شاءالله يكون خير 

طبعا كل شي يديد في مجال السوشال ميديا غصبن علينا انه نعرفه ، انا الصراحة ما احب احس اني ما افهم مع اني حطيت لي سناب خاص مو عام ، لأني مو مقتنعة اصلا بس بالكويت ماشالله نجح و الكل توجه له و لو اني شخصيا ما احسه اداو تسويق مثلا بروفيشنال 

و اقنعت ج انه يفتح سناب و فتح له و قعدنا انا معاه نتابع ، الصراحو من المشاهير انا ضفت وايد ناس و بعدين مسحتهم لأني ما 

تحملت القرقة الزايدة و بعدين حسيت اني قاعدة اضيع وقتي 

المهم الحين قاعدة اتابع ناس معينين و منهم طلال الراشد اللي اهو الشخص الوحيد اللي اتفقنا عليه انا و ج و نقعد نتابعه مع بعض 

سألت ج ، شرايك اسوي سناب عام حق البلوق ؟؟ قالي ماله داعي 

و رديت امس و قلت له مره ثانية اني ابي اسوي سناب 

بس 

عصب وايد وايد وحسيته تضايق ، و خلاص اهو مو موافق 

طبعا ما يسوى كلش اني ازعل معاه على شي جذي 

اهو ما يمنعني عن اي شي ابيه 

و هالشي يخليني انه لما يقول لأ 

انا غصب اسكت  اصلا لازم استحي  و اسكت