رديت الكويت بعد اجازة حلوة و خفيفة و اعتقد تابعتوا التفاصيل بانستغرام
وايد استانست مع اني كنت قاعدة احاتي و ميتة من الخوف ، انا فيني خوف من اي احداث تكون فيها حروب و مظاهرات يعني من اي شي سياسي
اتعب و بطني يعورني و اصير مريضة صج
بس الحمدالله كل شي كان اينن و القاهرة جميلة ببساطة ناسها و اجوائها الحلوة
قريت كتب و خلصتهم بشكل متواصل
كليت الأكل المصري اللذيذ
و صديت عن اللوية و عن الضغوطات بالكويت و حياتنا المتعبة
ليش تهقون الكل يقول عن الحياة بالكويت متعبة ؟؟
احنا اللي خلينا حياتنا جذي اتوقع
صج ارتحت لكن لا ابي الإجازة اللي صج فيها راحة و هدوء
و انشالله راح اخطط لها عدل
-------------------------------------------------------------
وايد وايد بنات اعرفهم يفكرون بلإنفصال
مو الطلاق جان زين طلاق و كل واحد يشوف طريجه
لا انفصال نفس طريقة الأجانب
متزوجين بس كل واحد عايش حياته و كل واحد بغرفة
المشكلة انهم مقتنعين انه هالشي افضل عشان الأولاد !!!مع اني شخصيا اشوفه شي غلط
اول الشي خل ابين ان اغلبهم ما عدوا ال 10 سنوات
بغض النظر عن الأسباب
لكن هذي مو حياة
و راح تضر عيالكم اكثر من الطلاق
الفكرة اكيد يتنا من المجتمعات الغربية و هالشي كلنا ندري فيه
بس ليش زاد ؟؟؟ هالفترة
ووحده تقول انا معاه ما نبي بعض و متفقين
لكن قلت له انا مابي اطلق لأن مابي ارجع حق قوانين بيت الأهل
ترى مو عشان المجتمع و انها مطلقة و جذي
بس في قوانين بيت الأهل الطبيعية
اهيا فبيتها حرة نفسها
ماني فاهمة الصراحة
شرايكم ؟؟
3 comments:
شوفي ياستي انا لسى آنسة لكن اشوفه حل مؤقت جيد و أفضل من الطلاق لكنه مؤقت يعني بكرا كيف راح يتعاملون مع احتياجاتهم الفسيلوجية و النفسية ؟ هل كمان نفس الأجانب مسموح لهم يعرفون أحد مثلا ؟
Anonymous
صح حل مؤقت يعيدون فيه ترتيب اوراقهم و يقررون بعدها اذا يكملون او لا
بس للأسف مو قاعدين يفكرون جذي
افضل و احسن نصيحه خذيتها من امي لمن تزوجت ان مهما كانت المشاكل بيتي وبين زوجي ما تطلع من غرفه النوم و اذا عصبت ما اطلع و اهدله المكان ... اصلا مستحيل ننام و احنا متهاوشين
الانفصال و كل واحد بغرفه هذا اكبر غلط لانه ماراح يسوي الا انه يكبر الفجوه بين الزوجين
بالعكس اذا حسيتوا ان المشاكل بدت تزيد حاولوا انكم تاخذون نقاهه مع بعض بعيد عن الضغوطات .. مثل انكم ترتبون لكم شهر عسل ثاني تجددون فيه علاقتكم
لان الانفصال المؤقت هذا ماراح اييب الا زياده مشاكل و يتعود كل واحد فيكم ع الابتعاد و الفراق
Post a Comment