Tuesday, February 10, 2015

الى القاهرة

أن شاء الله اسبوعين راح اقضيهم في ربوع القاهرة مع امي و ابوي ، و هلأسبوع قاعدة اجهز اغراضي و هلإسبوع حده لوية لوية فجأة بس عادي دايما قبل السفر جذي يصير ، سفرتي ما راح تكون مع ج و ابوي بروحه راح و حجز اسبوعين ، و احس من زمان ما هدينا بعض هالكثر ، بس مثب ما انا دايما اقول ، هالسفرات فرصة للتجديد .و انا وايد اأيد هالشي ، لكن سبحان الله بعد ماتطوف فترة من الزواج خلاص تتعودون على بعض و على سيستم حياة بعض 


وايد يسألوني السؤال المعهود ليش ما راح معاكم ؟؟؟ مالي خلق اقعد اشرح و اقول اني ما اقدر اشتت اهتمامي ، يعني اذا كنت مع امي و ابوي راح يكون اهتمامي كله لهم و اذا كنت مع ج راح يكون اهتمامي كله له ، فلو جمعتهم كلهم ما راح اقدر اركز 

سؤال ، ليش دايما يسألون ؟؟؟ مثلا الناس عيزت انه ليش ما اروح حق اختي امريكا ؟؟ ذبحوني ذيحوني 

انزين اختي قاعدة فبيت صغير مع زوجها ، يعني انا مو معقولة ماخذة اجازة عشان اقعد بحجابي كل الوقت و تكرمون الحمامات مشتركة ؟؟ و بعدين منطقة اختي منطقة دراسية ما فيها شي ما راح اضيع ايامي بس قاعدة انا ايام الإجازة محسوبة علي 

بالنهاية الناس لقافة بكل وقت فراح ارد رد واحد و اقول مابي اروح 


المهم انا كنت وايد متخوفة من روحة القاهرة و الأحداث اللي هناك بس الكل يقول الوضع عادي ، اذا تعرفون اماكن يديدة قولوا لي 





No comments: