Monday, December 15, 2014

The Hobbit ترى ما راح اخرب عليكم الفلم



هذي حالتي بعد النادي كل يوم ، اطلع و انا اقول اني راح اسبح و انام لي الصبح و بس اوصل البيت ارتاح و اغير رايي 

المهم امس قررنا نروح فلم 
The Hobbit 

انا و ج ما نروح سينما ، انا كنت احب اروح وايد بس تعلمت و تعودت على طبعه انه الأفلام احلى بالبيت 

بس في افلام معينة نتعود نشوفها بالسينما و صارت مثل شي ننطره كل سنة 
و منها فلم 
The Hobbit 

شفنا الجزء الأول و خلاص قررنا انه يكون هالشي مهم نسويه كل سنة او كل ما ينزل جزء  من الفلم 

المهم ما شاء الله هذي ثالث سنة نروح له و خلصنا كل الأجزاء 

وايد متزوجين يحبون يروحون السينما و يروحون كل اسبوع 
انا و ج ما نروح عشان جذي طلعة السينما بالنسبة لي مميزة 


الفلم امس حلو ، بس الجزئيين اللي قبل وايد اقوى لكن بشكل عام انا احب الفلم و الشخصيات عشان جذي عجبني 

انا ما احب اكتب تفاصيل و قصة الفلم اتضايق ما احب احد يخرب علي الفلم و انا مابي اخرب على احد 

المهم كان وناسة و طلعتنا وناسة 

نصيحة للزوجين 

لما الطلعة ما تكون روتين وواجب وايد وايد تصير حلوة 


كل زوجة شغلي نفسج وايد عشان لا تحسين بالملل  و اهو راح يوله عليج و يقولج خل نطلع 

No comments: