قبل لا ابدا هالبوست ، ابي اشكر كل الناس اللي لي الحين تقرا البلوق و على كلامهم و تعليقاتهم بالكومنت ، مشكةرين ةايد و يشرفني انكم تقرون لي لي الحين ، بعد ما الناس خلاص وقفت تقرا البلوقز
كل البلوقرز اللي اعرفهم جان زين ترجعون تكتبون
في قروب لي الحين مكملين و هالشي يونسني
لا توقفون عفية
قولوا لي من البلوقز اللي لي الحين تقرون لهم ؟
--------------------------------------------------------------------------------------------------------------------
يوم الخميس و اخيرا ، الإسبوع اللي طاف ماشالله كان عجيب الحمدالله ، اول شي انه كان عندي ايفنت قاعدة اجهز له بالدوام و صار امس و الحمدالله اينن و كل شي صار مثل ما ابي ، صور الإيفنت بانستغرام موجوده
انا ما كنت ابي اتحدى احد و لا اني اثبت شي ، بس انا ادري عن نفسي شنو اذا اشتغلت بمكان اكون مرتاحة فيه وايد نفسيا
انا في نوعية من الناس ما اقدر اشتغل معاهم فلازم اني من البداية ابين هالشي و اوخر ، الله يتمم مكاني اليديد وايد مريح و الحمدالله و انشاءالله يا رب اكمل فيه و انا مرتاحة
انا صج متضايقة انه محد قدر تعبي خلال التسع سنين و ضيعوا على الترقية على اساس انه السنة الأخيرة انا كنت تعبانة فيها بس الحمدالله خيره
حضرت ايفنت بعد خلال هلأسبوع و كان صج من اقوى الإيفنتات
عرض ازياء و
Gala Dinner
من تنظيم فريق
Yalwah
ماشالله شي راقي و مرتب
لما الناس اللي يشتغلون على شي يكونون قمة بلأخلاق و التواضع و شغلهم بروفيشنال ماشالله كل شي يصير اينن الله يوفقهم
-------------------------------------------------------------------------------------
ما عندي خطط للويكند و اغلب الظن راح اكون بالبيت الا يوم الجمعة مرتبطة ارتباط عائلي
و السبت ما عندي شي ودي اقعد نفس الويكند اللي طاف
-------------------------------------------------------------------------------------
كلامي له
"ولهانة عليك"
1 comment:
مافي احد غيرك من الي احبهم مكمل يكتب استكانة شي مشتاقة لها لقيت لها اكاونت ع الانستا بس برايفت و برضو من قصص الزين جداً رهيبة و تاخدك لعالم ثاني بس كلهم وقفو كتابة
Post a Comment