احب الطلعات الخفيفة و اللي ما فيها كلافة ، امس رحت المباركية مع البنات و كنا رايحين محل بشوت و اهو بشت الدويسان حطيت وايد عنه بانستغرام
و كان الوضع عجيب الجو و الناس و المكان ماشالله وايد بنات
و الله تمشينا و استانسنا و خذينا بشوت تشووق
لونه لونه شوقني
و رحنا سومو و تعشينا بمطعم مسيان ،المكان تغيير و صار عجيب ماشاالله ، وايد مستانسة من هالأماكن و ترى صج اعرف ناس وايد من بره الكويت يتشووقون ايوون الكويت عشان هالمطاعم اليديدة و اللي تكون فكرتها كويتية .
في موضوع وايد ناقشته و تكلمت فيه مع وايد و عيزت و انا ابرر ، ووايد قالوا لي كلام انه الشي اللي قاعده تسوينه مو قاعده تستفدين منه و غيرج قام ياخذ مبالغ و غيرج وصلوا
يقولون لي بس قاعده تاخذين هدايا !!!لما اخذ الهدية انا قاعده اقول رايي فيها و صح اعتبرها قيمة حق تعبي ووقتي بس انا احس لو بحط مبلغ على حضوري او على كل شي بحطه يمكن راح اجامل و راح يروح الشعور اللي يونسني لما اشتغل و اكتب بالبلوق
مشكلتي اني من احس انه الشي صار واجب خلاص ما اقدر اسويه
ما انكر الفلوس حلوة و الكل وده يزيد دخله ، و يمكن بالمستقبل يصير لي شي جذي الواحد ما يدري
لكن انا انا احب البلوق لأني احب اكتب فيه
احب اكتب
و بس
1 comment:
I truly admire you and respect your ethics.
I have to say that you are one of the few genuine Kuwaiti blogs. The rest have jumped the sharks since they started blogging for various brands in Kuwait .. Almost all their posts is sponsored ..
Thanks you for being you
Post a Comment