يوم من ايامي

صباح الخير ، و الله الاجازة عجيبة و مريحة  ، بس للاسف نظام الاكل كله اخترب ، قاعدة احاول أني اوازن بس ماكو فايدة ، المهم الوضع طلعات و اكل و الحمدالله وناسة مع الرفيجات ، ، احس قمنا نحب يمعات البيت اكثر ناخذ راحتنا لان كل مكان زحمة بالكويت 

ودي ارجع اكتب يوميا بالبلوق ، كنت اكتب بالضبط شنو كان يصير بيومي فكان شي حلو اني ارجع بعد فترة و اقرا 

بس ، التحفظ اللي صار خلاني شوي اخف من الكتابة 

اليوم بما انه قمت و ماكو شي قلت خل اروح الصالون ، اسوي شعري ، و الصالون عند النادي اللي يروح له ج فقررنا نروح مع بعض 

اذكر اول ما تزوجت ج كان مستانس يبي يوديني كل مكان و انا كنت منصدمة هههههه عبالي خلاص هذي حياتي ما راح اطلع بروحي مره ثاني 

الحمدالله و الشكر الصراحة على التفكير الغبي هههههه هذا و انا متزوجة و انا نوعا ما كبيرة 

بس هذا الشعور اللي يحوش الوحدة لما تتزوج عبالها حياتها انتهت ، مو كل وحده طبعا بس عادة البنات اللي يكونون كبار و معتمدين على نفسهم 

بس بعدها صار الوضع طبيعي 

المهم خلاص بتخلص الاجازة و مادري بعد اذا في اجازة بالطريج او لا