بدت الغيوم تطلع بالسما الحمدالله الكل فرحان و مستانس طبعا ، انا مستانسة على الجو بس مابي الشمس تروح نهائيا ، كتبت من قبل اني اتضايق اذا ما شفت الشمس ، احب الغيم الابيض اللي تبين منه الشمس اكيد المطر خير بس لازم احبه ؟؟
لازم نحب الأشياء العامة اللي يحبونها الناس ؟
يمكن ما احب ؟؟؟
و يمكن يتغير رايي و احبها بعدين
صح ؟؟
بس بالكويت يا ويلكم اذا قلتوا شي عكس الناس
***********************************************************************
كان ج قاعد يدق علي و قطع حبل الأفكار عدل ههههههههههه
فبالي وايد كلام ابي اكتبه وايد كل اليوم الف موضوع و موضوع و اقرر اني اكتبهم و بعدين الهى و انسى
**************************************************************************
أمس قمت من النوم شوي متأخر و لبست و رحت الأفنيوز ، خلصت شغلي و بعدين قعدت بستاربكس ، يعني سويت وايد اشياء و لما شفت الساعة كانت توها 9 ، هذا الحلو بالشتا انه الليل طويل ، و استانس مرات بالطلعات اللي اكون فيها بروحي ، اتمشى و اتسوق براحتي و ما اكون متكلفة او مرتبطة . اعتبر هالطلعات فقرة راحة بحياتي
**********************************************
شفتوا شلون من سالفة لي سالفة ؟؟
No comments:
Post a Comment