A nose job صداع نصفي و عملية ترميم الأنف

I don`t know how start this post , last night I couldn't sleep because of  an awful migraine , 4 years ago , I noticed that I've been having headaches regularly , I didn't recognize the problem  , mainly I thought it was a sinus infection  . 

To my surprise , last week , after I got some X-rays  , appeared that the problem has nothing to do with the sinus , my nose was broken while I was a kid ,& everything went wrong since then . 

So , I need an immediate septoplasty  operation , I am scared & excited at the same time ,  I remember when I was begging mom to do a nose job & she kept telling me to love myself as I Am  :) 

Now , it is a must & Enshalah , everything will be more than perfect , pray for me .

So should I start a dairy ?? 

أمس ما قدرت انام من الصداع النصفي اللي حاشني ، من تقريبا اربع سنين ، بدا معاي هالشي و صج صج يتعب ، طول هالفترة  كان عبالي ان اللي فيني التهاب جيوب 

و الغلط غلطي انا ما رحت حق اختصاصي ، بعد فترة سبحان الله مادري شلون صارت السالفة و رحت حق دكتور و بعد المنظار و الأشعة طلع الموضوع كله ماله علاقة بالجيوب و احتاج عملية بأسرع وقت ممكن 

هني انا خفت على استانست على مادري شنو 

الصراحة انا من زمان ابي اسوي خشمي بس كانت امي مو راضية و بعدين انا خفت لأني مابي ادش بسالفة الحلال و الحرام بتغيير الشكل بس اللي فهمته من الدكتور انه مو بكيفي غصبن علي التغيير 

الله يسهل يا رب 

ادعوا لي 

و صباح الخير 

Yes , they are talking about you , Hotels front desks موظفين الفنادق يتكلمون عليكم

Source 

I came cross this article & I was really surprised , I never thought that front desks keep  notes about each guest to be highlighted upon check in !! So they will know what kind of service they can provide or be aware of . 

Here is the link 

اليوم قريت موضوع عن الفنادق ، تعرفون لما يصير لكم شي بالفندق يضايق و تنزلون عند الريسبشن تكلمونهم ؟؟ هالشي كله يتوثق ، اي شي يصير لكم او تشتكون عليه راح يتوثق ،عشان اذا مره ثانية سكنتوا بنفس الفندق راح تطلع لهم ملاحظات عنكم ، و ترى هالشي لصالحكم !! لأن ممكن يعطونكم 

Upgrade

بسبب شي صار بالفندق و راح يعوضونكم عليه  او راح يعرفون شلون يعاملونكم بالطريقة اللي تخليكم ما تتضايقون 

انا يوم قريت عنوان الموضوع تذكرت موقف صار لي بأثينا ، انه الفندق قاعدين يقولون انه كرتي فيه مشكلة و اهو ما كان فيه شي 

اللي ضايقني انهم اكتشفوا انه الغلط منهم و قعدو يتكلمون بينهم و بين بعض 

صج حسيت انهم يحشون فيني 

هههههه

شنو صارت لكم مواقف بالفنادق ؟؟

رفيجات الدوام

من فترة اللي متابعيني اتوقع ملوا من موضوع دوامي و اللوية اللي صارت فيه ، اصلا صرت مزعجة و احس الناس ملوا مني 

المهم حاليا وضعي بالدوام اني صرت متحفظة بعلاقتي مع الكل ، من بعد المواقف الل صارت لي .احس الناس اللي كنت اثق فيهم وايد كلهم راحوا 

ااهمهم صديقتي اللي قدمت استقالة من قبل سنو تقريبا ، مع انه نختلف مرات بالراي و تصير بينا صكات لكن نهايئا ما حسيت ابدا انه ممكن انا معاها انه نتهاوش و ما نكلم بعض 

ولهت وايد على سوالفنا و قعدتنا ، المشكلة مو قادرة اثق في  و لا احد لأن اكتشفت انه في مجموعة تنقل الكلام و غير الناس اللي يدرون عن الغلط و يشيشون و يشتطون ووقت الصجية ما يتكلمون لأن الكل يفكر بمصلحته 

بقوا ثنتين  بس لكن انا مابي ادخلهم بالدوامة 

بس اعتقد الوضع الحين مريح لي ، مو محتاجة صداقات كلش هني و للأسف راح تكون مصلحتي الشخصية فوق كل شي مع انه ما تربيت على هالشي و خصوصا بالشغل 

المهم من كل هذا ، في شي يديد راح يصير بحياتي (لا لا مو حامل)ههههههه شي يديد و ان شاْ الله تمشي الأمور مثل ما الله كاتب 

The Art of Advertisement

I don`t know if I posted about this before  , but I am interested in "Vintage" Advertisement . I can spend hours searching and checking them , thanks to the cyber world , everything is easy to find

I love the designs , the ideas I guess I can understand the lifestyle of the people from different nations via the ads  .


I can see how our mentality & thoughts changed through the years , the world changes  a lot .



here are some of the ads I found today

Oreo 

Source 

Women will never change lool 

Source 

Tan , Tanning & more Tan 

Source 

Can we live with that ??? 

اكثر من مرة اشتكيت من الام الجيوب الأنفية ووايد يحوشني صداع و حالتي حالة و بعدين بدين انتبه ان خشمي فيه انحراف زاد بالسنوات الأخيرة و على اساس ابي اعالج الجيوب الأنفية قررت و اخيرا اني اروح دكتور و اشوف شالسالفة ، الكل قال العملية سهلة 

اذكر اني كنت وايد أاجل الموضوع عشان الدوام لأن مابي اخلي الشغل 

بس خلاص الألم زاد و الدوام مالي خلقهم 

و انصدم انه خشمي فيه كسور !! من طيحة قديمة ، انا ما اذكر اني طحت الا بالغزو ، معقولة ما حسيت كل هالفترة ؟؟ انا بديت اتعب بالفترة الأخيرة بس 

الله كريم خل اشوف شنو راح يصير و الله يسهل 

--------------------------------------------------------------------

انا مسوية كل قنوات السوشال ميديا حق الدوام 

اليوم بلغوني انه ما يبوني امسكهم ليش ؟؟ 

مادري هههههههههههه 

عليكم بالعافية 

Friends by Nature , A brother and a Sister

Copyrights 

I received a beautiful email from one of my followers who was asking me about what would a brother a brother get a 30 years old sister as a birthday present .

Do you know that receiving such emails makes me happy ???

وصلني ايميل اينن اينن من واحد من متابيعيني ، يبي ياخذ رايي بالهدايا اللي يبي يشتريها حق عيد ميلاد اخته 

تدرون انه هالإيملات تينن ؟؟ و تخليني وايد وايد استانس ؟؟؟ 

كلنا حاطين فبالنا انه شبابنا ما يفكرون بهلأشياء ، لكن من البلوق دريت انه هالشي غلط ، وايد توصلني ايملات من شباب سالوني عن الهدايا حق زوجاتهم او امهاتهم و خواتهم و هالشي يونسني

Usually guys or (Arab Guys ) will not think about such stuff , or this is what we had in mind , but I noticed a different attitude during the past few years , I received many e-mails , asking me to help them get the perfect presents for their moms , sisters and wives .Which is something can make me smile all day .

So there are many suggestions & I will you show you some , but First read please :

"Your Sister is the best thing that happen to you , She is an Angel sent by God , So make sure to get her a gift that will cherish her " 

So 

Don`t get her an  Iphone when you know that she is not a gadget girl 

Get to know her please 

اهم شي انكم لازم تدرون انه خواتكم احلى شي بالدنيا صار لكم اوكي ؟؟؟؟؟؟؟؟؟؟؟ و لازم تفهمون اهما شنو ، يعني لا تشتري لها ايفون و اهيا مو مهم عندها انه لازم تليفونها ايدد شي ؟؟؟ لازم تعرف شنو تاخذ 

عندي كم اقتراح بسيط 

-  Dinner for tow : 

Yes , call her , and invite her for a beautiful special dinner . We have many choices in K-town , but please don`t ever think about "Fridays",  "Applebees" or even "Cheese cake factory " .

اعزمها على العشا ، انتوا الأثنين بروحكم بس لا توديها ابل بييز و لا فرايديز و لا حته تشيز كيك فاكتوري 

شوف لك مطعم حلو و هادي 

- A customized cake : 

This will drop her tears , I know , because you worked really hard to order a "Special " Cake , just for her .

Check @melange_kwt in Instagram 

اطلب لها كيكة ،شي خاص حقها و حدها راح تستانس لأنك تعبت و انت تسوي لها شي حقها و خاص فيها 

- A gift Card : 

This will be perfect if you don`t know what to get her , or if her taste is difficult , some people may disagree but getting a 200KD "Coin" from Al Ostoura ,will be Perfect .

مع انه وايد ناس ما يحبون كروت الهدايا او القسائم الشرائية ، لكن اذا كانت ميزانيتك بحدود 200 دينار ؟ قسيمة هدايا من الإسطورة وايد راح تكون شي عجيب 

- Jewelry :

Copyrights 

Don`t Panic , pass by Tiffany & Co , they will help you  to choose the perfect gift according to your budget .

و اذا عاد انت مصمم انك لازم تاخذ لها قطعة مجوهرات ، لا تفكر وايد ، روح تيفاني

و راح تلقى اللي تبيه و بالسعر اللي يناسبك و كل شغلهم اينن فكل شي راح يعجبها 

-----------------------------------------------------------------------------------------------------------------------------------------------------------------------------------------------------------------------

وايد اختيارات ووايد افكار ، كل المطلوب منك انك تكون صديقها و تقعد معاها و تعرف اهيا شنو تحب 

There are many options & many ideas , all you have to do is to listen to her , hang out more together , & try to be her best friend  .

Hint : INSTAGRAM

كلام الليل

تلحظ طلاء أظافري ، فتعلو وجهها علامات الحزن و الألم ، ارى امنيتها في عينيها ، الامنية الوحيدة التي لا أستطيع تحقيقها الا بكلمة "كن"فيكون من الله سبحانه و تعالى 

قوتي و إيماني و رضائي بقضاء الله يهون عليها هذا الحزن 

الحمدالله 

حزنها مثل السيف في قلبي يقتلني 

لا أستطيع ، سامحيني 

الحمدالله ، ما يمنع الله رزقا الا لكونه شر على الانسان 

الحمدالله 

اهتمي فيني .........

 

 

 





 

Copyrights

 

 

ملاحظة انا مو مختصة ، الموضوع عبارة عن افكاري و رأيي يمكن صح و يمكن غلط

 

 

وايد وايد نسمع شكوى الإهتمام من المرأة ، دايما احنا اللي نشتكي ، ليش ما يهتم ؟؟؟ و تروح تقوله ليش ما تهتم و تبدا المشاكل لين الله يسهلها و يتفاهمون و تستوعب انه طريق اهتمام الريال مختلفة وايد عن المرأة

 

 

 

 

 

لكن

 

 

مو هذا موضوعي

 

 

لما الرجل يبدا يشكي من عدم اهتمام المرأة اهني الموضوع مختلف

 

 

و مو سهل لأن مو دايما المرأة مستوعبة شنو طريقة الإهتمام ، لأن طريقة اهتمام امج في ابوج ، رفيجتج بزوجها و كل وحده حولج تختلف وايد

 

 

الإهتمام و نوع الإهتمام يختلف من ريال لي ريال

 

 

في ريال الإهتمام بالنسبة له انه يكون اهو اولويتج ، حتى من عياله يغار ، يبي كل شي حقه يبي الكلام حلو حقه يبي الدلع حقه ، و مسكينة المرا لأنها يا انها تكون مو مستوعبة هالشي او انه مو قادره توفق بين اهتمامها فبيتها و عيالها و بينه

 

و للأسف الرجل اناني 

 

 

مو الكل طبعا

 

 

 

ممكن انه يدخل البيت و اهيا لاهية مع اليهال واصلين من المدارس و تجهيزهم و تجهيز دروسهم فيحس انه محد يدري عن هوا داره

 

و راح يتضايق ،

 

 

 

و في ريال ثاني الإهتمام بالنسبة له انه الزوجة تكون مهتمة فبيته و عياله

 

 

و ممكن واحد ثاني يحس انه الإهتمام اذا لقى اكله جاهز

 

 

 

 

بعض الريايل يحب يلقى زوجته تكون ناطرته تسولف معاه اهم من كل شي ، اللي زوجها جذي لا تتعب نفسها بأمور ثانية مثل الطبخ و التنظيف ، خلي هالشي حق مدبرة المنزل لأن اهو مو مهم عنده منو اللي نظف ، مهم عنده انج فاضية بس حقه

 

 

 

بعض نصايح امهاتنا ما تمشي معانا الحين

 

 

 

من تجربتي انا ما فرق معاي الطباخ ، انا و ج نحب نكون قاعدين مع بعض نسولف او ما نسولف

 

 

يبي مني اني اكون العب رياضة ، أي هذا دليل الإهتمام فيه اني اهتم بنفسي

 

 

 

 

بالنهاية المسألة انج تعرفين شنو يبي ، و مو بس انتي اللي تتعبين قعدي معاه و سولفي معاه

 

 

و لا تمثلين و تبالغين

 

 

 

المبالغة تغث الريال وايد

 

 

وايد الاحظ انه في بنات عشان تبين اهتمامها تقوم مسكينة و تبالغ انها تمدح ، و تعلق بانستغرام على صوره بمبالغة

 

 

ترى اكبر غلط  و الله لأن الريال ينغث من هالشي و راح يوخر عنج

 

 

 

طبعا الموضوع يختلف من شخص لي الثاني

 

 

 

 

و اهتم فيني    

اهم شي العشرة !!!!Can`t live in a love less marriage

Why I am sharing most of the details ? about my life , my love & my Man ??


personally , I love to read about happy experiences , in love or marriage , reading other couples  stories will make you feel happier & sometimes it will help you to improve your life .

 why not sharing my happy moments too ? In my society , the majority will get annoyed , I don`t know why , but this is what is going on for ages , people will never share their moments of happiness , but they will come to you complaining .


I do both , I feel that because I am posting about my downs  , I should share with my readers my ups too


I know many people will say who cares , So don`t read.

 ....... I Am Happy


When your marriage reaches stability , everything will be more than fine , your emotional , sexual , financial statues will be in a level that you can not  notice any flaws .

Perfection :)


Alhamduellah




Some close relatives are waiting for the day of my fall , yes here I am starting to nag , they are waiting , but there is nothing wrong from falling and standing up again , the most important thing is that "WE ARE STILL IN LOVE"


Love , is amazing , I got married because of Love & I love the LOVE .

this is important to me

ما اتقبل الحياة الزوجية اللي يقولون فيها انه مو لازم الحب ، العشرة تكفي

A marriage without love , is not my type of marriage

Some people are living together , just because they are together and used to each other for the sake of the children


sorry , I cant waste my time in a loveless marriage

موضوع العشرة مو صوبي

أكره الحجاب ......

ترددت وايد قبل لا اكتب هالموضوع لكن حسيت انه في وايد كلام براسي يدور و لا زم يطلع عشان ارتاح ، اي اكره الحجاب ، تكلمت بهالموضوع مع داعية و قبلها مع وحده من رفيداتي الملتزمين ، وايد اكره الحجاب و خصوصا بعد ما تزوجت ، كل شي حق المو متحجبة وايد اسهل 

المتحجبة محاسبة على كل شي ، و الناس بس تتطنز ،على المتحجبات ، بالسفر احس بدون حجاب الوضع وايد اريح و اوفر ترى 

فوق كل هذا 

في شي ، انا احس فيه و قالته لي الداعية و بنفس الوقت قالته لي رفيجتي 

ما في وحده تحب الحجاب ، كل بنت تحب انها تبين جمالها ، و جمال البنت بشعرها و حتى اللبس يتغير ، لكن في شي واحد يوقفني و يعطيني قوه و يصبرني 

اني احب الله سبحانه و تعالى 

الحجاب جهاد ، و هذا و انا ادري انه لبسي فيه اغلاط ، حجابي مو كامل لأني احط ميك اب ، لكن شي احسن من شي 

وايد اسمع يقولون يا اتحجب صح يعني البس عباة و ما احط ميك اب يا ما اتحجب 

و هالفكرة ترى يت فبالي 

لكن بالحجاب ، اللي يقولون انه غطا على الراس 

اراح تكون ريولي كاملة متغطية ، ايدي ، صدري و رقبتي متغطين 

لا تقولون انه نفس شي لا مو نفس الشي يفرق 

انا اغلط و عندي وايد اغلاط ، يمكن احس فيها و يمكن ما احس فيها ، مالي حق اني احاسب احد لكن انا متضايقة ، في اكثر من بنت اعرفها ، يقطون حجابهم بالسفر ، وايد ينقمت قلبي ، اتضايق مو من قطتها الحجاب لأنها كيفها و راح االله يحاسبها و يحاسب زوجها 

لكن من القوة اللي قاعدين يواجهون فيها الله سبحانه و تعالى

بالكويت تلبسونه و بالسفر مرة تلبسونه و مرة لأ ؟؟؟ 

يضيق خلقي ، شنو احنا البشر .؟؟؟؟ منو احنا عشان نقص على الله 

انا قاعدة اكتب هالكلام و انا خايفة 

مادري شنو راح يصير !!! الله يثبتني يا رب 

انا ضعيفة ترى بهالموضوع بس الحمدالله يا رب اللي رزقني ريال على كثر ما اهو متفتح و ما يقول لي لأ عن اي شي  ما يغصبني عن شي 

هالسالفة تضايقه لدرجة انه يعصب 

يقولي خلي كلام الناس و شنو راح يقولون عني 

شلون راح اواجه ربي 

اعترف لو مو اهو جان ممكن يقص على الشيطان 

ارجع افكر بالنعم اللي الله عطاني اياها 

انا بسفرة ، الله رزقني اياها مو مني ، الله رزقني شعري و جسمي منو انا اللي ايي اقص على الله سبحانه و تعالى ؟؟ 

يمكن في ناس راح يزعلون من كلامي 

بس مثل ما يبوني اتقبل اغلاطهم 

انا ربي بيحاسبني 

تدرون ،،،،،اعرف بنات قرروا انهم يفصخون الحجاب ، و الله العظيم ادري مليون بلأمية انهم احسن مني وايد بالدين 

هذيل رغم الشي اللي سووه ، احترمهم وايد وايد و يكبرون بعيني 

و ادري انهم يخافون من الله 

لأنهم ما نافقوا 

بالكويت البسه و بالسفر لأ ؟؟؟؟؟؟؟ 

البعض امهات !!! مادري انا احس هالشي بعد مسؤليه شلون عيالي يربون على شي جذي 

الله يثبتني يا رب 

وايد خايفة وايد انه الله يبعدني عن اني اشوف الصح 

و يارب تصبرني على اني احب الحجاب 

ما اقدر اتحمل النفاق و قاعده احاول اسكت و انشالله اسكت و امسك لساني 

و الله يهدي الجميع 

يا رب تهديني و تمنعني من اني احس اني قوية و اواجهك 

مهما سوينه احنا ضعاف 

يا رب تعيينا 

الأوضاع هادية فما صار شي اكشن يخليني اكتب لكن انا مابي جذي ، ودي ارجع اكتب بالبلوق يوميا بس ماكو شي ، مرات احس مخي فاضي و هالشي زين ترى لأن تمر على ايام حدي ابي الراحة من اللوية اللي عندي

 

 

 

 

تدرون هالشي يصير بالزواج و قبل كنت اخاف و احاتي بس بعدين تعلمت انه لازم يصير جذي

ايام لوية لوية و ايام هدوء

 

 

الحمدالله هالشي  تعودنا عليه ، قبل كنت احن على ج انه شفيك و يمكن متغير بس بعدين عرفت انه هالوضع طبيعي

 

 

 

يالله ياني تليفون باي

Nine West Fall 2014 Ads , Not Cool

 

 

Husband Hunting season ??? are they serious about that , I think this is offensive , they have other occasion too , to take your kids to school !!! so do modern women shop only for that ?? we are in the 21st century , and I can not believe what were they thinking of ,  you can google about it and learn  more about that tacky ad

 

 

 

 

 

Back to the Real Life & Happy و ردينا

Good morning everyone , 

I have a confession  , I feel "Great " which is something that does not fit in my life , I am not a morning person , I hate my workplace , I hate my manager but surprisingly I feel really really "Good" 


I decided to be thankful , while am complaining about my work , some people will do anything just to find a job so they can survive . 



The reason to wake up in a good mood , is to get some sleep , which I am trying to do these days with the help of "Dream Water"


So I am taking it , step by step , I hope things will change 

صباح الخير جميعا 

وايد منكم بإجازة ووايد منكم رجع يداوم ، قمت احس انه فترة الصيف و بالذات شهر 8 اهيا اجازة العوايل ، اللي عندهم مدارس ، الشباب و البنات (اللي انا منهم )اجازتنا يا قبل او بعد 

الشوارع فاضية و الحياة جميلة 

خلاص انا قررت شي منهم و اللي اكتشفت انه اهو السبب الرئيسي اللي راح يخليني اداوم و انا مرتاحة على ما انتقل دوام يديد انشالله 

اني اقوم مبجر 

و عشان اقوم مبجر لازم انام مبجر و هالشي قاعدة اسويه مع الدريم ووتر بس مو كل يوم 

و لأني قررت خلاص انه لازم ارجع انزل وزني 

لازم انام عدل 

و انشالله الأكل راح يتعدل 

اللي يضحكني انه ج قام يسهر ، انقلب الوضع الصراحة 

بالنهاية .......... تصيرون مثل الاخو و اخته !!!

بتخلص الإجازة 

صج مادري شلون بنداوم بس احس ابي اداوم عشان وقتي يتنظم وايد لوية 

شلون العيد ؟؟ انا و ج ما نطلع وايد ايام العيد ما نبي زحمة ، لكن نطلع نتريق و بعد زحمة ماشالله 

بما انه بلوقي عن الحياة بعد الزواج و من زمان ما كتبت شي 

اللي بينغث و بيدز لي كومنتات ضيم لا يقرا 

لما كنت اسمع عن الزواج انه حياتكم تتشاركون فيها مع شخص ما كنت مستوعبة الشعور 

انا ما كنت بالعة نمط حياة الزواج بالكويت 

كلهم يقولون بعد اربع سنين خلاص تفچون عن بعض و تصير الحياة عادية 

انا مابي جذي و صج كنت متوقعة هالشي 

لكن الحمدالله كل سنة تمر علي نتعلق اكثر و نتعود اكثر على بعض و ما نقدر نفارق بعض 

اتوقع لان بالبداية ما انعزلنا عن الناس و لا جابلنا بعض ٢٤ ساعة بالعكس كانت حياتنا طبيعية لدرجة اني حصلت تعليقات من وايد ناس انكم مو چنكم توكم متزوجين  لكن هذي النتيجة اللي وصلت لها و أهديها لكم ، الناس اللي علقوا 

انه كل سنة تمر ، نرتبط فبعض اكثر و هذا اللي ابيه الحمدالله 

اللي مقتنعين انه بعد الزواج الحب يخف و يموت و تصيرون عادي ، لا تقنعون الناس بهالشي لانها تجربتكم 

خلونا نتوقع انه في أشكال وايد بالزواج مو الزواج الكويتي 

اللي عبارة عن مسؤوليات وواجبات ، و هدفه أتزوج عشان اشوف عيالي مو عشان يبدا حياة مع شريكة حياة 

و قانعين نفسهم انه كل ريال له حياته الخاصة ، بكيفكم صح ؟؟ 

الله يعينكم الصراحة ، بتقولون اتفلسف ؟؟ اي نعم بتفلسف 😄