شكثر كلمة الحب اسرار صارت مستهلكة ؟؟ موضوعي اليوم كتبت فيه من قبل و امس رد طرى على بالي الموضوع ، الحب اسرار بس بين الشخصين اللي يحبون بعض ، نجاح علاقتهم مو لازم يصير فيها أي اسرار
هالشي انا و ج مقررينه مع بعض و انا دايما اقول له و اذكره ان بينا لازم ما يصير في أي اسرار عشان تمشي امورنا
طبعا مجتمعنا الحلو يرفض هالشي ، دايما نسمع هالكلمة ، الريال ما تقولين له أي شي و ما تقولين له كل شي
انا شخصيا ضد هالمبدأ لأن قعدت ادور بوايد مقالات لمتتخصصين اجانب بالعلاقات الزوجية ما لقيت و لا شخص قايل هالنصيحة
و عندنا ينصحون بهالشي و لي شافوا علاقات الحب عن الغرب يقعدون يتحلطمون انه احنا مساكين و ريايلنا ليش ما يعاملونا جذي و اكثر
طبعا هالشي لازم يكون متبادل من الطرفين ، من نبدى نخش على البعض معناته ماكو أي ثقة و معناته احنا مو قاعدين نشارك بعض بحياتنا
اكثر موضوع يضايقني و هالشي وايد منتشر بالكويت انه يخشون على بعض موضوع الفلوس يكون واحد فيهم عنده فلوس او ياته فلوس معينة و ما يقول حق شريكه
للأسف هالشي اول مشكلة بين الزوجين اللي بعدها راح تسحب وايد مشاكل اكثر
هذي وجهة نظري اللي يرفضونها وايد ناس
انا وايد كنت احرص اني اقول حق ج من تبدى تخش علي خلاص راح تحط حدود بيني و بينك
الحمدالله الحمدالله يا رب احنا موجذي مع انه كان في محاولات من ناس ان يشككوني بالموضوع
شي ثاني ، لا تسمعون كلام ناس من بره ممكن يخربون وايد شغلات بينكم
----------------------------------------------------------------------------------
:رسالة
لك انت يا كاتم اسراري ، عندك اسرار حياتي كلها
No comments:
Post a Comment