نحل و لا نعطي رأي او ما نتكلم ؟؟؟؟

من اصعب الأمور اللي تمر علي ، لما يوصلني ايميل او مسج او احد يسألني و يأخذ رأي بمشكلة او بوضع او بموقف بحياته 

قبل چم سنة كنت ماخذه عهد على نفسي اني ما اشوف اي بنت متضررة نفسيا من اي ريال ، كنت دايما اشتط و اتضايق و افكر بحلول ، اسمع اللي يشكي لي و ادور لهم حلول 

احاول اصلح و احاول اعدل ، اللي غافلة عن حياتها و مستقبلها حتى طرق انها تكمل دراستها يبت لها 

اللي زوجها خانها حاولت اوصل لها بطريقة غير مباشرة شلون تكون أقوى 

ووايد ظروف 

انا مو خبيرة و لا اللي حياتي كاملة بس الحمدالله  الله انعم علي بالاستقرار و خلاني هالشي اني أتمنى انه كل وحده تصير نفسي 

للاسف 

انقلبت بعض الأمور على راسي ، وحده من اللي ساعدتهم الله يسامحها طلعت علي كلام وايد و اني أتدخل بحياتها مع انه للاسف اهيا اللي كانت تشكي لي مو انا 

لكن الحمدالله صحيت ووعيت و عرفت 

اهيا و غيرها لي الحين بحالتهم و الله يعينهم و يا رب تشغلهم بنفسهم بس 

قررت من يومها اني مالي شغل 

طالما انا عايشة و مرتاحة مالي شغل بأحد و لا ابي مشاكل احد تأثر علي بس اذا احد سألني و استشارني طبعا انا اتكلم عن المشاكل ، اخاف و اتردد اني أعطي جواب لاني راح احس بتأنيب الضمير 

اللي يعيني ،

انا كانت نيتي اني ابي الخير

الله يصلح احوال الكل يا رب و يسعدهم