نتحلطم ؟؟؟ !! و فقدان الذاكرة اللي حايشني

اي اي حدي ابي اتحلطم ، اللي ماله خلق يقرا و مع هبة الطاقة انه ما يبي طاقتي السلبية تحوشه خل يطلع من البلوق 

معاناتي مع دوامي مستمرة بس اعترف انا قاعدة اعاند ، مثل ما قاعدين يستخدمون اسلوب اليهال معاي انا قاعدة استخدم نفس الشي 

في فترة من الفترات الصراحة كنت دايما ابدي مصلحة غيري بالدوام و خصوصا انه ظروفي اسهل من وايد من ظروف الموظفات اللي معاي ، انا ما عندي عيال فما احتاج اجازات مرضية وايد و لا عمري خذيت اجازة امومة او اجازة مجلس طبي 

كنت لما احس انه اللي معاي محتاجين هالشي بالعكس اصلا اقولوهم اخذوا اجازات انا موجودة 

للأسف و لا شي من هذا بين 

ادري بتقولون انتي اشتغلي و ما عليج و سوي الشي بدون ما تنطرين مقابل ، صح هالكلام بس الصراحة مرات الواحد يبي يشوف التقدير و انه كل اللي سواه بين مو بس ينسونه لأنهم حاطيني فبالهم 

يعني زميلتي من النوع اللي تتعب لما تحمل و دايما تاخذ مجلس طبي و بالعكس انا قولها لما تكونين تعبانة خلاص لا تيين  و كانت المديرة تعصب بس ما تقدر تسوي شي مو بيدها 

بس المره اللي طافت انا كنت بروحي بالقسم و اهيا كانت تقدر تداوم بس اهم ما عليها مصلحتها و صحتها و خذت مجلس طبي 

انا نفس الحالة  الحين 

خلاص صرت انانية و اهم ما علي مصلحتي و نفسي 

متى ما حاشتني نشلة خذيت مرضية 

و متى ما تعبت خذيت مرضية 

شتبي بعد 

لا واليوم دازين لي لفت نظر 

بشوف اخرتها معاهم 

المهم ، امس انا رحت الصالون عشان وراي عرس و انا مشتطة عشان يسوون شعري و لا اسال وحده من البنات ها متى انشالله بتروحون العرس ؟؟؟ جان تقولي مروة اي عرس ؟؟ 

نعم ، شنو اي عرس ؟؟؟ 

و لا العرس يوم الجمعة 

و انا مشتطة !!المهم عاد ما طلعت قلت لهم بسوي علاج الشعر اللي اسمه امازون 

و الله شكله حلو 

اشوف النتيجة اليوم انشالله