لا تتكلمين اذا انتي بكبرج اكبر "غلط"

تربية العيال مو سهلة ، و الإنسان اللي ما يقدر يربي و يجابل لا اييب عيال او لا يتكلم عن المثاليةشاللي ياب الطاري  ، في الفترة اللي مجموعة من الناس

 شوي فصلوا على و قاموا يتكلمون عني اني انا اتكلم الزواج و عن العلاقات الزوجية و بالنسبة لهم انا شكو اتكلم 

لأن برايهم انه حياتي فاشلة 

انا تكلمت في بلوقي و لما نصحت كان بناءا على نصيحة عرفت بعدها انهم ما يبون نصيحة انه يبون بس يتشكون و يسحبون كلام 

المهم ما هموني لأن الحمدالله مرتاحة بحياتي و اعتبر حياتي ناجحة بالجانب اللي اقدر انا احاول اخليه ينجح اما بخصوص انه ما عندي عيال هالشي يإيد الله سبحانه و تعالى مو بيدي 

و ما اعتبره دليل نجاح او فشل 

لكن 

العيال ، اهما صورة للي يشوفونه فيكم و باهلهم 

صح في اهل مربين عيالهم و العيال طلعوا ظيم استغفر الله 

لكن في اشياء تبين بالياهل من الصغر 

مثلا انا واحد من اخواني وايد صاير صديق عياله بس احس انه لازم يحط بينه و بينهم حدود لأن شوي يتمادون اليهال 

في وحده كانت تقولي انها اخسن لها انه زوجها مو راضي تشتغل و لا تسوق لأنها ملكة ، لللأسف التشجيع حتى من جانب اهلها بس اهيا شخصيتها ضعيفة و تفكيرها بعد فترة عرفت انه ما عندها شي يشغلها فتشغل نفسها بالحش و فلانة قالت و علانة قالت و كانت تزيد و تألف 

كانت تقول و تنغز علي انه الوحده تقعد فبيتها تربي عيالها احسن 

اوكي ما عندي اي مشاكل بس هل انتي قد الكلام ؟؟ هل انتي ربيتي عيالج تربية "الملكة"طبعا لأ لأني  شفت العيال و طريقة كلامهم اللي دعيت ربي انه لا ترزقني عيال اذا بيصيرون جذي 

انا ما يعجبني شوي اسلوب بنت اخوي بس اهيا بمرحلة المراهقة و لا دعالة ولد اخوي 

بس بعيال هالبنت شفت شي غير للأسف 

لو ولدي او اقدر اتصرف معاه جان عطيته كف على حلجه لأن جدا مو متربي 

و اعتقد لأن يشوف انه امه ماكو شخصية و مالها قرار و مالها حياة فما يحترم اي 

مرأة 

انزين هذا لي كبر شلون بيعامل زوجته ؟؟؟ صج شلون بيعاملون زوجاتهم ؟؟ 

الله يعين اذا الجيل الياي لي الحين في منهم متربين على ان المرا مخلوق ثانوي 

للأسف الأم ما تدري وين الله قاطها و ما تبي تطور نفسها و الأبو مسوي حق نفسه فلم و معطي نفسه احساس اكبر من حجمه 

و النتيجة 

اولاد شخصياتهم غريبة 

و تستمر  المشكلة 

مو بس مع هلإنسانة 

في وايد حولي جذي 

للأسف الأبو يلهى بحياته او بعد فترة يكتشف انه عايش حياة غلط فيوخر عن العيال و تيتلش فيهم الأم اللي اصلا اهيا تعبانة من الزوج و من دوامها و من تربية العيال 

و كل هذا يأثر عليهم 

استغفر الله يا ربي و ايوون هالناس يكلموني عن حياتي بعد 

راح يقولون لا يكون عبالج انتي صح ؟؟؟ 

راح اقول اي انا صح و مو انا اللي اقول صح ، نتايج الحياة الصح واضحة و مبينة الحمدالله