ما اقدر امشي و راسي بالأرض

من زمان ما كتبت بالبلوق ، الظاهر من الأكشن الفجأة اللي صاير ، مو قادرة اركز ، اكتشفت جانب من شخصيتي انا كنت (داقرته) من زمان ، بس أكيد هالشي لازم يطلع دام هالشي فيني


يتني فترة كنت شوي اسكت على الغلط ، اقول عادي و طاف و مو مهم ، بس خلاص مو انا ، اللي اكون انسانة سلبيه ، في اشياء قاعدة تصير و ماني قادرة اسكت ، مو قاعدة اغلط على احد و لا قاعدة أخذ الامور بشكل شخصي بس مابي اسكت لما اشوف في اشياء غلط


من اكثر الامور اللي تضيق الخلق في بيئة العمل لما كل الموظفين يتفقون انه الوضع اللي صاير غلط و يتحلطمون و يحتجون و كلام ما يخلص ، بس لما تيي و تقولهم يالله خل نتكلم ، ماكو الكل يسكت


ما الومهم في ناس يخافون او يمكن يدرون بان الامور راح تكون عكسية عليهم .


ماكو شي سهل ، الرزاق الله سبحانه و تعالى و انا توكلت على الله و قررت أتحرك بحدود القانون بدون اي موضوع شخصي و لا حساسية و لا غلط ، مو بس عشان انا استفيد ، عشان الناس اللي بعدي



لازم شخص يكون بالجبهة و ينطق و انا عندي استعداد ، ما شغلت واسطة ، لان واسط تي الله سبحانه و تعالى

مو قاعده أتحدى بس حقي راح اخذه انشالله


الحمدالله ، ربي سخر لي وايد ناس ما أعرفهم طلعوا فجأة بحياتي الحمدالله بدقيقة وحده اقدر انتقل اي مكان ابي


لكن لا ما راح اطلع ، لأني انا مابي اطلع



الأكشن الأكشن مو طبيعي ههههه


بس عندي سؤال : الناس اللي يطبلون للمسؤولين شنو إحساسهم الداخلي عن نفسهم ؟؟؟؟ ماني قادرة افهم الصراحة



بس اتمنى وحده فيهم تيني تقول ليش و شحقه عشان اقولها بالضبط شنو اهيا ههههه


في قانون اسمه : إهانة موظف او شي جذي صح ؟؟؟؟ اللي عنده خبر خل يبلغني




نغزه :

منو اللي قاعد ياخذ فلوس حرام ؟؟؟ الواحد يفكر قبل لا يتهم الناس

Sent from my iPad


- Posted using BlogPress from my iPhone