- Tumblr
ليه أنا أهتم ليه أوله عليك،،،،، ليه ما يرتاح بالي الا قربك
ليه انت اللي من العالم أبيك ،،،،،،ما لها تفسير الا اني أحبك
مؤخراً ، تنقلني كلمات اغنية فهد الكبيسي الاخيرة الى عالم ثاني ، اطلق مشاعري و اعيش اللحظات ، أحاسيس الحب و الشوق ، و دقات قلبي تزيد و اعيش شعور الحب لأول مره
و اهو جدامي ، كل احساس حب و كل كلمة حب و كل لحن يعبر عن الحب يتجسد لي فيه .
وايد كلمات ووايد اغاني تحرك المشاعر ، الكل يتغنى و الكل يتأثر و الكل يعيش اللحظات و الكلمات ، بالنهاية متفقين كلنا انه كل هذا عبارة عن
حب
عيل ، منو انتوا ، اللي تنكرون انه في ناس صج عايشين الحب ؟؟؟
بتاريخنا وحضاراتنا ، اجمل قصص الحب تشكلت و ، مجلدات من الأشعار تقول قصص عاشوها أحباب في مجتمعات منغلقة و صعبة
بس صدقوها ، لانها حقيقة ،
و الحين
اللي يحب ،،،،،، مسكين
اللي يحب،،،،،،، عايش چذبه
اللي يحب،،،،،،،، يمثل
قالت لي :
من سنين اقرا لج و تابعتج من قريب ، غيرتي نظرتي و عرفت انه ( الحب بالزواج) حقيقة
تبرمجت عقولنا على انه الزواج يقتل الحب
الحب ينتهي مع اول طفل
الحب ينتهي بعد سنتين !! مشالله حاسبين السنوات
المتزوجين يمثلون
للأسف افكار تخلق لنا ناس مرضى ، ما يعرفون من الحب الا ....... اغاني
قالت لي :
كانت تعتقد انه اللي تعيشه بزواجها چذبة ، كانت تحاول تخفي سعادتها و حبها و معاملة زوجها عشان تقدر تندمج مع مجتمعها
ردي لها
اذا كانوا اللي حولج عاشوا في بيئة علاقة الزوج بزوجته مجرد واجبات و أوامر ، العلاقة بين المرا و الريال كلها چذب و نفاق و اسرار ما فيها صراحة
، مقتنعين ان الرجل لازم له حياة خاصة و انتي لازم تتحملين ، يتكلمون بالسووء عن ازواجهم ، حياتهم منفصلة ماكو مشاركة باي شي
و بالاخير اللي عاشوا چذبة و فشلوا و يصرون انهم يعممونها على الكل
اذا كل هذا حولج ، مشالله عليج و ما الومج اذا ما قدرتي تصدقين انه الحمدالله حياتج كلها سعادة و حب و الله رزقج "رجل" الحمدالله
استمتعي و عيشي الحب لانه موجود و حقيقة ، مو قادرين يصدقون مشكلتهم ، مو قادرين يتحملون بعد مشكلتهم بس لا يتعدون خطوطج الحمرا
اللي الله انعم عليه بثروة ، عليه بالعافية يستمتع فيها
اللي الله انعم عليها بجمال تبارك الرحمن الله يبارك لها فيه
شخصيا الحمدالله الله انعم علي اني اعيش الحب كل يوم بحياتي و هذي نعمة من ربي من حقي استمتع فيها
وايد شكرتها على كلامها معاي و صراحتها ، الله يتمم عليج يا رب و يبعد عنا كلنا مثل هالناس اللي حياتهم ما فيها غير انهم ينكرون مشاعر غيرهم
اعيش الحب بتفاصيله
و احمد الله كل يوم اني قدرت اعيشه
الحياة راح اعيشها مرة وحدة
و راح اعيشها و انا كل يوم اصبح و أمسي
بالحب
Posted using BlogPress from my iPhone
No comments:
Post a Comment