Sunday, February 02, 2014

تتقبلون .... سعادة الناس ؟؟؟




تقبل الشي الصح وايد اصعب من تقبل الخطأ
 
اعتقد هذا الشي اللي صاير حولنا ، لأن صار عندنا شعور اذا شفنا انسانة قاعدة تغلط راح نتقبلها بعد فترة ، مو دايما بس ممكن
 
 
الشي اللي يضايق انه في مجتمعنا الحلو ، انه الناس مو قادرة تتقبل بعض
 
و ترى انا ما انكر اني يتني فترة صج ما كنت اتقبل بسرعة
 
ما نتقبل نجاح انسان و لازم نحط و نقول اشياء عنه مثلا نجاحه بواسطة او بفلوس ابوه او او او ......ووايد امور
 
 
 
اذا شفنا انسانة جميلة
 
مو الكل يتقبل جمالها
 
 
نشوف وحده بانستغرام تلبس ماركات معينة
 
ما نتقبل و نقعد نقول من وين لها هالشي
 
 
نشوف وحده رياضية و جسمها اينن
 
ما نتقبل و نتضايق من صحتها
 
 
 
وحده اولادها ناجحين  و  لهم مواهب طلعوا وايد كلام عليها
 
 
 
و اي ازواج مرتاحين بحياتهم  لازم يطلع عليهم كلام و للأسف ممكن انه يدشون حتى بمواضيع الأخلاق
 
 
 
كل انسان يتضايق من واحد من هلأشياء و مو قادر يتقبل لازم يفهم انه من الداخل اهو يبي هالشي
 
 
 
 
انا شخصيا كنت ما اتقبل البنت اللي تضعف بسرعة و جسمها حلو
 
لأني بلأخير هذا الشي اللي ابيه و ادوره و الحمدالله بس تقبلت وايد ارتحت
 
 
 
الشي اللي كان يضايقني اكثر شي ، تقبل الخطأ
 
 
انا ما كنت اقدر اشوف وحده عايشة حياة مو طبيعية من زوجها اتضايق و احتر و ماني قادرة اتقبل
 
 
بس صج صج هالناس اللي لازم اتقبل انهم اهما يبون هالشي و لازم اتقبل هالشي
 
 
 
كلنا نغلط و ماكو احد كامل بس المشكلة بالشخص اللي مو قادر يتقبل
 
 
 
بعد شنسوي نتقبلهم مثل ما اهما لأنهم عادة يكونون اها مو متقبلين نفسهم و عندهم عداوات مع وايد ناس و يمكن في محيط عايلتهم
 
 
لما تيني وحده و تقول انه تهاوشة مع بنت خالتها اوكي ما يمنع
 
بس كل مرة يطلع انها متهاوشة مع شخص يديد و بعدبن عندها تاريخ من العداوات من الناس
 
 
لا هذاي ا مو قادرة تعيش مع و لا احد و لا تتقبل احد حبيبتي
 
 
ما يمنع انا قلت كلنا مرينا بالشي بس نتغير و حلو التغيير
 
يساعدنا بحياتنا و يفتح لنا ابواب وايد
 
 
 
 
شرايكم ؟؟؟؟

5 comments:

Anonymous said...

Why comments are not published ?!

OmJawan said...

صح كلامج وايد احب اقرا بلوقج لان كلامج واقعي و قريب من القلب الله يسعدج��

OmJawan said...

صح كلامج وايد احب اقرا بلوقج لان قريب من القلب و كلامج واقعي الله يسعدج��

Anonymous said...

you are so right ...but for example accepting the guys these days from the society especially the bloggers and instagramers is soooo wrong ...they have thousands of followers ...this is not modern or a human right this is simply 7aram .....so there is things you just can't accept its against life rules and logic

Q8i Dentist said...

لو الناس بهالديرة اهتمت بشغلها و نفسها و انشغلت بهوايات مفيدة بدل القعدة بمطاعم المولات لتدريب النفس على الخز و اطلاق احكام على كل واحد و واحدة تمر.. جان مو هذا حالنا

فكرة البوست لطيفة.. و الشخص اللي نفسه نقية الوحيد اللي يقدر
يعترف بخطأه أو بشي غير محبب بشخصيته و يحاول يصلحه
اهنييج