سهرانة

ما فيني نوم و كالعادة سهرانة

شفنا فلم شوي يخرع ،،، مادري شكو شفته بهالليل ، اذكر قبل سنين لما كنت اصغر كان عادي اني اشوف افلام الرعب بكل مستوياتها بس كل ما اكبر احس اني ابدا اخاف


الصراحة ما دورت ليش هالشي يصير لاني سمعته من وايد ناس

يمكن لان مخاوفنا زادت ؟؟؟؟ مع انه لو نلاحظ ترى ما نخاف من شي جدامنا دايما نخاف من شي ما صار ، نتخيل و نخاف

مثلا اكثر مخاوف كل البنات

الوحده

انزين بس انتي الحين مو وحيدة ؟؟ عندج امج و ابوج ، إخوانج اهلج و عيالج و زوجج

بس يظل خوف المرأة

اخاف اكبر و أظل بروحي


هذا الكلام قالته دلال الجناعي بمحاضرة حضرتها لها


الخوف ، مزعج الشعور و يخلي الوحدة تعيش بقلق

و طبعا علاج الخوف ، انه يكون الواحد قريب من الله سبحانه و تعالى

بس طبيعة البشر مرات تاخذهم و توديهم افكار غريبة

خوفي دايما يكون على أشخاص قراب مني

اخاف يصير فيهم شي و اخاف افقدهم


خوفي عليه وايد كبير ، مابي احد يضايقه و لا يقول عنه كلمه من جدامه او من وراه

هذا نوع الخوف اللي فيني

بس الحمدالله متوكله على الله سبحانه و تعالى


احس خلاص دخت لما قعدت اكتب

تصبحون على خير


- Posted using BlogPress from my iPhone