A Life After Marriage Post : احترمها ، افتخر فيها او.......... ترى ما تستاهلها

 

 

 

copyright

 

 

ملاحظة : انا مو متخصصة و لا دارسة لأي مجال بالعلاقات الزوجية ، مواضيعي كلها من تجربتي الشخصية و من الواقع اللي انا فيه

 

 

بعد ما تزوجت و مع الوقت ،عرفت انه الواحد كل ما يكبر يكتشف وايد اشياء يديدة ما مرت عليه ، طبع لأن بلوقي موضوعه الأساسي الزواج ، فراح اركز على هالشي

 

مادري ليش قبل لا تزوج ما كنت ابدا اشوف انواع العلاقات الزوجية يمكن لأني ما كنت داشة بالجو فمادري شنو بيصير

 

او شنو قاعد يصير

 

 

بس بعدين مرت على وايد نماذج ،ما راح اقول انها غلط او صح لكن اهيا شي مختلف عن اللي شفته سواء من المتزوجين حولي او بحياتي انا

 

 

 

سألت سؤال بانستغرام من فترة انه شنو الشي اللي تبيه المرأة من الريال ووصلتني وايد اجابات ، بس لاحظت كلمة " احترام "اهيا اللي تكررت اكثر شي

 

 

الإحترام

 

شنو اهو الإحترام اللي نبيه احنا كبنات من الرجال ؟؟؟

 

كل وحده لها رايها و كل وحده لها مقياس و مابي احد يتهمني بشي

 

 

 

 

من وجهة نظري الإحترام بالنسبة لي اني اكون فباله و انا مو معاه

يحسب حسابي "مو يخاف مني" لا تفهمون جذي

بس يحسب لي حساب و انا مو موجوده معاه و لو اهو قاعد بين مليون بنت

 

 

 

انه ما يتكلم عني كلام مو زين

 

يمدحني من وراي

 

 

 

يحترمني لما يكون ما عنده أي مانع انه يبين حبه أي جدام العالم كلهم ، ما يقول لا عيب امسك ايدها و لا عيب يحضني

 

وايد يعارضوني بهالموضوع بس انا هالشي عرفته لما تزوجت  ، ج نوعه يحب يكون ماسكني لما نطلع و اهو اللي خلاني احب هالشي

 

 

 

 

و انه يفتخر فيني

 

 

الإحترام انه ما ينحرج مني ، ما ينحرج من شكلي و لا ينحرج من شكلي

 

 

 

 

 

من فترة بواحد من الإيفنتات تفاجأت بواحد انا اعرفه و اعرف زوجته ، كان واقف مع صاحبة الإيفنت و مشتط معاها ، لو اني ما اعرفه جان قلت انها زوجها

 

 

 

يرحب بالناس و عيونه تبرق و اهو يطالعها تتكلم و تسلم

 

 

 

 

للأسف كنت اتمنى اني اشوف هالنظرات هالوقفة و هالمساندة مع زوجته

اللي ما اعتقد انه قالها انه اكو ايفنت اصلا

 

و صاحبة المكان اهيا زميلته بالعمل

 

 

 

اصلا عادي انه يكون واقف هني مشتط و زوجته مسكينة موديه اليهال النادي و لا قاعده تسوي له كيكة

 

 

يمكن وايد منكم ما يعجبهم كلامي بس انا هذا التصرف منه ما عجبني

 

 

المفروض انه يحضر الإفتتاح مع زوجته

 

لو شنو كان عندها انه يصر عليها

 

اهو ما عنده مانع انه زوجته تكون لابسة عباة

 

بس عيونه زايغة على الإخت اللي معاه

 

 

 

انا كنت عادي اكفخه بالجنطة

 

 

تضايقت وايد

 

 

 

انا احب انه الأزواج يشاركون بعض بكل شي

 

 

كنت اسولف مع ج و قالي انه مرات الغلط من الزوجة

انها تغار اذا زوجها صار عنده هوايه او اهتمام بشي و تبدا تتصرف تصرفات غلط

 

 

قلت له بالعكس ، انا راح اوقف معاك و اساندك و اشتط بس اذا انت تغيرت علي و حسيت انك مستحي مني اهني انا ما راح اسكت عن حقي الصراحة

 

 

 

 

وايد مهم هالشي انه زوجي يفتخر فيني جدام الناس و ينحرج مني

 

 

وحده اذكر قالت لي انه زوجها ما يطلع معاها و لا يوديها مطاعم و مجمعات لأن يغار عليها من ربعه اذا شافوها معاه

 

بعد قلبي اهيا مصدقة و كان ودي اقول لها حبيبتي هذا ما يبيج انتي تشوفين الدنيا

 

بس كيفها لأن هذي عالم اخر ما افكر ارجع و اش معاها بنقاشات عقيمة

 

 

 

 

الحمدالله ، انا مفتخره ب ج و اهو بعد

 

من وراه و من جدامه و انشالله اهو يكون تفكيره نفسي

 

 

 

 

 

 

يمكن كلامي صح و يمكن لأ ، ينطبق علي و ما ينطبق على غيري ، وجهة نظري و مؤمنة فيها