Thursday, February 13, 2014

A life after Marriage Post:يوم لك و يوم عليك

 من اكثر الاشياء اللي ما أحبها لما اسمع بعض المتزوجات انهم ينامون بغرف منفصلة ، مهما كان الوضع لا تسوينها لو شنو كانت المشكلة ، اصلا غلط اذا كنتوا متزاعلين تهدينه و تطلعين من دارج وجودكم مع بعض في عز المشكلة وايد ضروري 


المهم ، الوضع اللي انا فيه الحمدالله لا مشكله و لا متزاعلين 

الموضوع كله و انا قلت عنه من قبل موضوع الشخير 

اسم الله عليه ج مشالله مشالله شخيره عالي جداً جداً و في فترات بالسنة يزيد هالشي ، مثل هالفترة 

ماكو حل الصراحة ، العملية شي مستبعد 

انزين انا ما انام ؟؟ شلون ؟؟ او مرات انام بس اكون بين اللي نايمة و قاعدة و هالشي يتعب اكثر 

انزين وراي دوام :(

احسن حل لقيته ، ما احب انام بمكان ثاني ، بس في وضع صعب لازم نلقى حل ، اذا صارت الساعة ٣ الفير و انا لي الحين ما قدرت انام لازم واحد فينا يروح ينام بالصالة 

بس قبل هالفترة لازم نكون مع بعض 

و عاد انا قررت قرار ثاني ، انه مو كل يوم انشالله انا اللي بنام بره ، يوم  ج و يوم انا 

فاليوم دوري و توني شلت قشي و بنام على القنفة 

و تصبحون على خير 

No comments: