A life After marriage post:يفز قلبك ...و تبتسم

-
Tumblr.com


طول ما قلبك يفز و تبتسم اذا لي ذكرتها و انت قاعد مع ربعك بالدوانية ، و طول ما انتي تحسين بفراشات صغار فبطنج اول ما يدق و يقول لج يالله انا راد البيت

تطمنوا ، انتوا تحبون

سواء عقب سنة زواج او عقب ٢٠ سنة هالاحساس لازم ما يختفي ، يا رب يتمم على الكل


الحب حلو ، و بالزواج الحب احلى ، غير ، اذا كان صح ! لانه الاختيار الغلط مشكلة ،


ما احب اسمع كلام بعض المتزوجات اللي كله احباط ، و حتى الريايل المتزوجين ما احب اللي يذم

انا مادري ج شيقول ههههه

بس ادري شنو يحس الحمدالله


لازم ما ننجرف مع المجتمع ، الريال ما يقدر يقول انه مرتاح لا يقولون عنه كلام مو شي ، و المرا لازم تجاري اللي معاها و تذم بالريال


لان حتى لو قاعدين نمثل و نجاري الناس ، راح يتحول هالاحساس صج


بالعكس امدحه و ما اخاف من شي ، و من حقي احبه مثل ما ابي

و يحبني بنفس الطريقة


احب .... مثل الحبيبة اللي توله و تحلم و تفكر فيه كل يوم قبل لا تنام

مابي حب الزوجة اللي معتمد على العشرة و اداء الواجبات و التعود

احب ..... لدرجة اني لما امسك ايده و يمسك ايدي ، احس بإحساس ما اقدر اوصفه


احب و احبه لدرجة اني ما اقدر اذكر عيوبه لما اسمع كل وحده تتحلطم

كل وحده فينا تقدر تحب هالحب
و كل واحد فيكم يقدر يحبها اكثر من هالحب


عود نفسك تبتسم اذا دقت عليك

و راح يصير طبع

دز لها كلمة حتى لو انت بعز سوالفك مع ربعك
محد راح يحس فيك


لا تقولين له تعال يالله تأخرت

دزي له اي كلمة بيني له انج بتطمنين عليه

مو تمثلين




احبك اكثر كل يوم و كل ساعة




Posted using BlogPress from my iPhone