اغنية عبدالمجيد عبدالله
"ما ابي شي انا جدا قنوع "
كلش مو صح
:P
صار لي جم يوم بانستغرام قاعده احط اقتراحات بانستغرام عن هدية ممكن يقدمها المعرس اليديد حق عروسته بأول راس سنة يمر عليهم
ليش ؟؟
لأن راح تكون اول احتفال راس سنة يمر عليها معاك ، كل سنة يمكن اهيا تقضيه مع اهلها بالشاليه و لا بالبر او مع رفيجاتها او بالبيت
هالسنة ممكن تكون غير عليها و التغير اهو اكثر يخرع بالزواج و خاصة بالبداية
ترى الهدية مو الا تكون كل سنة
يعني حبيبتي العروسة السنة الياية لا تزعلين اذا ما يابلج هدية
بس هالشغلة حلوة انك تلطف الجو ، انزين ليش ما نبهت البنات ؟؟ لأن البنات هالشي بطبيعتنا ممكن تعزمك ممكن تسوي لك عشا بالبيت بالبيت و ممكن تشتري لك هدية
بس الريال لا او يمكن ما يطري على باله عشان جذي حبيت اذكر
الهدية ممكن تكون سفرة قصيرة طبعا الى دبي
او انكم تحجزون فندق
بس يعني اذا توكم متزوجين يمكن تكونون توكم يايان من شهر العسل فمالكم خلق فندق
الهدية حلوة
انا كنت وقتها بشهر العسل و احتفلت فيه بماليزيا مع ج
يعني ج ضرب عصفورين بحجر و عيد ميلاده بشهر واحد فشريت له هديته هناك
حبيت انبه
الريال شوي ينسى او يمكن ما يعرف او انه ما يبي يشتري هدية براس السنة
لا تتزعلين و الله ما يسوى
زعلي الصراحة اذا بعيد ميلادج ما ياب لج شي
زعلي اقوى زعله
و الريال لازم تفكر شي
الحين كل شي جدامك و سهل بانستغرام تقدر تسوي كل شي
و تتعلم
و كل عام و كل زوجين "يحبون"بعض بخير
No comments:
Post a Comment