بتبنون بيت ؟؟ مبروك هواشكم للشارع

و هذا الكلام اللي راح تسمعونه كلكم اذا وصلتوا لمرحلة انكم تبنون بيتكم 

بدال ما الناس تشجع و تبارك و تسهل الأمور هذا اول شي يقولونه 

كتبت اكثر من مره عن هالسالفة 

استغفر الله نفسيا يخلون الواحد يتهيأ انه داش حرب مع انه هالشي لازم يكون تجربة تعيشونها اثنينكم 

المهم 

و دي اقول لكم تجربتي و شلون تحاشيت الهواش نوعا ما 

اهو لازم الواحد يحوشه طشار بس في اكثر من طريقة تعدين هالمرحلة بسلام 

طبعا يعتمدعليج انتي لج مزاج هواش ؟؟ اذا انتي ودج تتدخلين بكل شي و تداحرين هالموضوع ما يصلح 

انا انسانة وايد عصبية لكن بموضوع البيت قعدت و فكرت  انا عندي خيارين 

يا اتدخل بكل شي و تصير نجره 

يا انه يكون ج مرتاح و اكون معاه بكل اللي يبيه و اعطيه رايي 

طبعا انا اخترت الشي الثاني لأن ج بالنسبة لي اهم من البيت مليون مرة 

رقم 1 

انتي البيت تبينه حقج و لا تبينه تتفلسفين فيه ؟؟ و يهمج راي كل الناس ؟؟ 

رقم 2 

تذكري انه زوجج عليه ضغط نفسي وايد كبير و احساسه انه مسؤول عنكم  وايد راح يتعبه و خاصة مع زيادة الأسعار و اللوية اللي تصير 

رقم 3 

كوني هادية 

انا عصبية بشكل خيالي بس بموضوع البيت احاول اكون هادية كثر ما اقدر 

رقم 4 

قولي احتياجاتج 

كتبي اللي تبينه يكون فبيتج و عطيه 

رقم 5 

البيت بيتج انتي لا تقعدين كل ساعة اتيين تقولين له بيت فلانه فيه جذي ترى ابي و بيت علانه عندهم جذي و هذي قالتي لي سووا جذي ترى احسن و الأخت قالت سووا اجار لازم تسوون اجار 

مالج شغل باحد شوفي انتي معاه شنو تبون و بس 

قعدي معاه و قولي له ترى انا مالي شغل بكلام و لا احد انا ابي البيت اللي يلبي احتياجاتنا انا معاك 

و حسسيه انج معاه بقلبج 

رقم 6 

و الله لا تتدخلين وايد 

صح هذا بيتج  بس لا تصيرين دعلة و الله 

طبعا كل وحده زوجها له طبع معين يمكن هالكلام ما تقدر تطبقه عليه 

لكن اللي زوجها متفهم و اللي اصلا بينهم تفاهم راح تقدر تتفاهم معاه بهالطريقة 

عموما انتي حسبيها 

يسوى تتزاعلون عشان بيت ؟؟ 

خل نكسر قواعد المجتمع الكئيبة و خل نصير غير