مشالله البرد دش علينا ووناسة و خل نستانس فيه ،الفترة اللي طافت وايد كنت اتحلطم عن دوامي صح ؟؟؟؟؟ الحمدالله الأوضاع وايد وايد تغيرت مو شوي
اللي خلاني مستغربة انه الشغل زاد و لما زاد الشغل حسيت انه الوضع صار وايد وايد احسن ضغط بس وناسة و الشغل قام يمشي مثل ما نبي الحمدالله ، و الحمدالله اليوم داومت معانا موظفة انشالله كل شي قاعد يتعدل شوي شوي
استقبالنا حق الموظفة اليديدة كان غبي الصراحة هههههه اصلا كان شوي و نلمها من الفرحة و الحمدالله البنت طلعت اعرفها و حليوه
تصدقون اول استقبال وايد مهم بالدوام ،انا لي اليوم اذكر صديقتي سعاد اللي يتني يوم المقابلة و كلمتني و قالت لي وايد كلا ريحني و لي اليوم اقولها انه كلامها
ريحني وايد
اليوم لما استقبلنا الموظفة اليديدة ، حطيت نفسي مكانها ،شنو ابي الناس تسوي لي لما انتقل مكان يديد
هالطريقة قمت استخدمها بوايد مواقف بحياتي مؤخرا ، احاول دايما اني احط نفسي مكان الشخص الثاني و اتخيل ، انا شنو ابي او شلون ابي الناس تعاملني ؟؟؟ وايد هالشي ساعدني بقرارات وايد كان مكن اخذها غلط و خفف من عصبيتي
كلمة حط نفسك مكاني ،قبل لا نقولها لازم احنا نحط نفسنا مكان غيرنا
No comments:
Post a Comment