Saturday, December 21, 2013

A Life After Marriage Post : ريحة بخور و طيب و شوية عطر

 


 
لما يكون بقلبي مشاعر و كلام ، ماكو غير العربي  اقدر اعبر فيه ، الحب اقوى و تعبير الحب اقوى بوايد
 
 
 
 
السنة بتخلص الحمدالله كانت حلوة و فيها بعض الأشياء اكيد ،
 
انشالله السنة الياية تكون سنة خير علينا يا رب
 
 
 
كل سنة تمر علي و انا معاه ، اقول الحمدالله انها معاه مو مع غيره
 
اهو الصح بالنسبة ، و اهو الحب بالنسبة لي
 
 
 
ليش انا معتبرة حياتي صح معاه و بنظري انها صح مع انه وايد حولي يشككون بسعادتي لأني ما كملت صورة العايلة اللي يبيها المجتمع ؟؟
 
 
 
 
لأني لنا كنت افكر بحياتي ما كنتت اتخيل نفسي بعايلة عادية
 
دايما الصورة اللي فبالي انا و الشخص اللي احبه
بس
 
 
 
معناته انه حياتي الحين مطابقة توقعاتي اللي كنت حاطتها
 
 
الحمدالله هذا سر سعادتي
 
 
اكره الناس اللي يصورون الحب بالزواج انه ملل و ضيقة خلق
 
انه تعب و انه مسؤلية
او اللي عاشوا تجارب زواج فاشلة و مو متقبلين انه في ناس عايشين غير و ممكن اهما يعيشون غير بتجربتهم اليديدة
 
 
 
 
الزواج
مسؤلية صح ، بس مسؤلية بعض
 
 
و مسؤلية بحب
 
 
 
 
 
بس مرتاحين
 
 
 
 
تمر السنين معا و لي اليوم احسنا معاريس مع انه كبرنا و لي اليوم لما يكون ريحة الطيب و البخور بغترته ترجعني لي يوم عرسنا
 
 
و تعيشني كل لحظة مره ثانية
 
و اقول الحمدالله
اني مو متحسفة و لا ندمانة
 
 
 
 
اهم شعور انك ما تدخل علاقة تتحسف عليها لأن هالشعور معناته انك مع الشخص الغلط
 
 
 
 
يارب السنة الياية يكون خيرها اكثر علينا يا رب
 
 
 
 
 
 
 
شسالفة هالبوست ؟؟
 
 
كل السالفة ريحة بخور و طيب و شوية عطر يوم مسكت غترتك
 
 
 
love you
 

2 comments:

Faisal Al-Hamad said...

الله يتمم عليكم وﻻ يفرق مابينكم ويديم عليكم السعادة والفرح

وفاء النقيب said...

ما شاء الله تبارك الله لا اله الا الله ،، الله يسعدك و يديكي على قد نيتك و أكثر،، اتمنالكم السعادة من كل قلبي،، انتي المثال الواقعي اللي اواجه فيه نفسي لما تقولي انه الزواج عوار راس،، اتمنالكم حياة كلها سعادة و حب و أمان و إطمئنان،، الله يديمها عليكم نعمة طول العمر