على كثر ما انا
Open minded
ووايد اشياء عندي عادي
بس بالنفس الوقت وايد شغلات تضايقني و ما اتحملها
بس ما اقدر اتكلم عشان
عشان لا اصير انا الرفيجة المليقة
مابي اتصرف بطريقة اخسر الناس اللي انا معاهم
بس احس اني اصير انا المملة بالقروب لأن كل شي عندي لأ
انا ما اقدر مو عشان شي و لا عشان الناس بس انا ما اقدر
مرات الشي يكون بسيط
في بنات طبيعة صوتهم يكون عالي و ممكن بالطلعة انهم يضحكون او يتكلمون بصوت عالي
انا اتضايق وايد
بس ما اقدر اقول شي
وايد انحرج بس مادري شسوي
مابي اكون انا الرفيجة المملة
حتى الضحك بصوت عالي و انا ادري انه البنات مو قصدهم شي هذي طبيعتهم
بس يضايقني وايد و احاول اني الهي نفسي بشي
بس ما اقدر اقول شي
اذا قاعدين بمكان و صار تصرف يضايقكم شنو تسوون ؟؟
3 comments:
انا مرة اتحطيت في موقف كل ما اتذكره احمد ربي انه خلص هههههه
روحت كافيه مع بنات كنت اعرفهم معرفه سطحية يعني ما اعرفهم من زمان و كانت اول مره نشوف بعض بكافيه،، إلا و هاديك البنت تحكي اشياء خصوصية جدا ما تنقال لأي احد،، الكافيه كان مليان ناس و المصيبة انه باقي البنات يسمعوا القصة بإهتمام و لا كإن شي حصل
اتمنيت الارض تنشق و تبلعني،، و طبعا حرمت اطلع معاهم بس برضه هادا القرار ما شفى غليلي
كان نفسي ازعق عليها و اقولها احنا طالعين نتونس و نشم هوا و اخر همنا نسمع اللي تقوليه،،، بس ما قدرت
لأن الكثرة تغلب الشجاعة
اذا ما امون عليها ما اعلق
ببساطه خلي اختياراتج للناس اللى تطلعين معاهم تتفق مع ذوقج ومبادئج، انتي مب ممله انتي راقية
أما الناسس الفضيحة اعزميهم بمكان مسكر عشان ما يسببون لج احراج:)
بالعكس حلو اشوف وحدة مثلج، عندها حدود وتعرف الصح من الغلط.
الله يسلم من ربتج
Post a Comment