و انا اشوف انستغرام لقيت انه دبي اكسبو سووا هاشتاق
لماذا انت من اسعد نساء العالم ؟
قعدت افكر بالهاش تاق و مشالله الواحد لما بس يركز بالنعم اللي حوله راح يتعب من كثر ما يعدها
الحمدالله
راح اكتب ليش انا من اسعد نساء العالم
وايد وايد اشياء اساسية عندي تخليني من اسعد نساء العالم
كوني مسلمة و كويتية و بصحة و عافية و ولي اهلي و حبايبي
بس هني و لأن بلوقي عن حياتي بالزواج
راح اتكلم بس بهالجانب
للأسف وايد ازواج و زوجات عايشين بتعاسة يمكن فيه اسباب صح بس بعد فيه شي وايد مهم
انهم ما يشوفون النعم اللي عندهم
انا شخصيا اقدر اشوف وضعي بلأشياء اللي مو عندي و راح اعيش بكآبة مو طبيعية
في صديقة عزيزة قالت لي و الله مروة لو انا عندي هذي المشكله انه ربي ما رزقني عيال يمكن اموت ، و انت مشالله عايشة و قادرة تعيشين حياتج
ما الومها صح
انا يتني ايام كنت مابي افتح عيوني الصبح و كنت احس اني لو اموت احسن لي و لا اني اعيش بدون ما يكون عندي ياهل
كتبت من قبل عن الفترة بحياتي و اللي الحمدالله عديتها و رديت انسانة احب نفسي و حياتي مثل ما انا
و خل اشوف شنو عندي و استمتع فيه و احمد ربي على النعمة
انا من اسعد نساء العالم
لأني تزوجت من شخص يحبني و احبه
لأني اعيش مع زوج اقدر اسولف معاه
احط راسي على المخده مرتاحة
و هذي اعظم نعمة تخليني اعيش سعيدة
اعيش في بيت بدون اجار
انشالله قاعدة ابني بيتي
زوجي يشجعني على كل خطوة بحياتي
واقف معاي
مساندني و ينصحني
يحترمني
انا من اسعد نساء العالم
لأني انام على كيفي و اقوم على كيفي
وايد وايد وايد اشياء
فهل معقولة كل هالأشايء ما راح تخليني سعيدة مقابل شي واحد مو موجود ؟؟ لا ابدا
طالعوا كل اللي عندكم
اللي مو متزوجة خل تشوف حياتها بجمالها
المتزوجة خل تحب حياتها و بكل المشاركة اللي فيها
و عاد اللي بس ماكو منها امل عاد الله يعينها
1 comment:
انا الحمدلله إني بصحة ناس كثير يتمنونها- الحمدلله ربني عطاني أم و أب يحبوني و يحترمون رغباتي بالحياة و ما زوجوني اول واحد دق الباب- الحمدلله إني أقدر اكون سعيدة بيومي حتى لو مافي عندي قرش واحد. الحمدلله إني عشت فترة من حياتي اتعرف فيها على نفسي و تأكدت إني فنانة و حياتي ماهي إلا فن- الحمدلله
انتي إنسانة رائعة يا مروة- الله يوفقك و يفتحلك أبواب الخير
Post a Comment