Thursday, November 21, 2013

ما عندي استعداد اضيع عمري



قاعدة اقرا قصة حلوة و خفيفة و لذيذة 
انا بادية فيها من زمان بعدين بروحي وقفت لأني لهيت مع البلوق و انستغرام 
بس رديت لها هاليومين و بخلصها 
اسمها 



تينن و اشتهي كاكاو كل ما اقراها 


ما راح اقول تفاصيلها لكن في مشهد عجبني و خلاني افكر وايد 



في مشهد طلاق وحده من البطلات بعد 25 سنة زواج  تقول انه طلاقهم كان هادي و بدون مشاكل و بعد ما تزوجوا الأولاد و استقروا صارحت زوجها انها عمرها ما حبته 

شنو الرد اللي رده عليه ؟؟؟ 

قالها : انا "قضيت "25 سنة من عمري مع انسانة انا حبيتها بس مادري شلون قدرتي تتحملين انج 
"تضيعين"

حياتج مع شخص ما تحبينه 





الموضوع من ناحيته و احساسه انه ما خسر شي اهو حب الشخص اللي عايش معاه بس من ناحيتها حسسها انه حياتها راحت و اهيا عايشة مع شخص ما تحبه 

انا دايما افكر جذي 
بس بطريقة ثانية ، عكس كلامه 
اتفق معاه اني ما اقدر اضيع حياتي 

بس ما اقدر اضيع حياتي مع شخص ما يحبني مو بس اني اكون ما احبه 


اكيد لو كنت ما اقدر انام مرتاحة و انا عند هلأنسان 
لا يمكن اضيع وقت اكثر من عمري 

هذا اللي كان يخليني استغرب من البنت اللي تعيش مع انسان تدري انه يخونها 

مع انسان متسلط 

مع انسان يطقها 

مع انسان ما يحترمها 

مع انسان حارمها من وايد اشياء و اهو يلعب لعب من وراها و تدري 
بس متحملة 

لا لا 
لا عيال و لاحب يخليني اتحمل هالشي و يا رب ما اطيح بهالشي 


لكن اغلب هالحالات يصير فيهم انفجار بعد فترة و ردة فعل عنيفة 

شرايكم ؟؟ 
شباب و بنات 

تضيعون عمركم مع شخص ما تحسون معاه انه الشخص الصح ؟؟ و تضحوون ؟ و لا لأ 


3 comments:

Anonymous said...

اكيد مابضيع عمري مع شخص ماحبه العمر مره ولازم نعيشه مع شخص احبه اكيد

Hanan Abu Jamea said...

طبعا اوافقج
انا احس الحب اذا ماكان متبادل ما يكون حب يكون كذبه معيشه نفسي فيها

Anonymous said...

مااااا نضيع...بس الام فيها تضحيه كبيره مستعده تضيع حياتها بس تخلي حياه عيالها مستقره ..وبالنسبه لها هذا شي يسوااا ...كل واحد وظروفه