ملاحظة : من خيالي و افكاري ما اقصد احد
مستلهمة حياتهم من حياتي بس ما صار لي هالشي شخصيا
ركبت معاه السيارة و راحوا المطار ،،،،،لقتهم هناك ،،،،،رفيجاتها
على ما يصفط السيارة
راحت معاهم و دخلوا جناطهم
رد لها و قالت لهم انها بتروح معاه تتريق بستاربكس
فرحانة على سفرتها معاهم بس بنفس الوقت تبيه
متعوده عليه و على كل لحظة معاه
مر على زواجهم
10
سنين
خلاص قاموا ما يقدرون يتفارقون
اهو يحترق ، يحاتيها
واثق فيها بس بعد يحاتيها لكن ما يبي يزعلها لأنها ما منعته يسافر
اهما جذي متفاهمين
سلم عليها باس راسها و ماسك ايدها
بهالحظة حست انها خلاص تبي ترجع ما تبي تروح
تحب تسافر معاه مو مع غيره
قالها ديري بالج و اول ما توصلين اخذي لج خط
سفراتهم كلها يوم و ليلة بس مو ويكند بعد
بس قلبها يتقطع
ما كانت جذي اول ما تزوجوا ؟؟؟ بس الحين تحس انها ما تقدر تقارقه
دبي
وصلوا و طلعوا و استانسوا و لوية من مول لي مول
قرروا انهم يجربون شي ما جربوه كلهم
انهم يدخلون
Club
يمكن وايد بيقولون وييه مع عندهم سالفة
بس لا ترى وايد بنات عمرهم ما دشوا
club
و يبوون يدشون الصراحة
(انا وحده فيني فضول)
بس شلون ، اهما متحجبات
و قالوا نقط حجاباتنا عشان لحد يعرفنا
بطنها يعورها وايد مو شوي
هذا الشعور اللي حسته
الكل يلبس و قامت البست و سووت شعرها و خلاص جاهزين بيطلعون
الكويت
اهو هني بالكويت
دق عليه واحد من ربعه و قاله في شاليه مسوين حفلة ووناسة
قعد يفكر يروح و لا ما يروح
قام لبس و كلم رفيجه و قاله انه راح اييي بسيارته عشان يرجع متى ما يبي
تخيل الوضع
يقول خل استانس شوي ما راح يصير شي
حتى اذا في شرب ماني شارب
سوالف و ضحك و اغاني و دي جي و بس
دبي
في دبي ناطرين السايق يوصل عشان ايودينهم
عوار بطنها زاد و تحس بتبجي
دخلت الحمام ما تبي احد يحس فيها
قاعدة ترجف
طلعت و قعدت تتخيل
الكويت
بالكويت ركب سيارته و طلع متردد يكلمها و لا لأ
صوتها راح يوقفه
دبي
ماسكة تليفونها مترددة
اي مسج منه راح يتغير كل شي
خافت وايد
من الله
صج خافت من الله
يعاقبها فيه
يسوي حادث
يمرض
يروح منها بدقيقة
خافت
الكويت
و اهو رايح
قبله مقموت
حاشته زحمه
و الشارع واقف
متعود بالزحمة على صوتها
تستهبل عليه تدق عليه تضحك
و لا مشتطة تسولف عن وحده غثتها
لا اهيا دقت و لا اهو دق عليها
دبي
وقفت و قالت حق البنات
ما اقدر ماني رايحة
المهم قالت كيفهم زعلوا و لا رضوا
خربت السفرة و خربت سفرتهم
انقسموا نصين جم وحده بيروحون و جم وحده غيروا رايهم
بالنهاية ما حست بشي ، دخلت الحمام و خذت لها شاورو بجت وايد
الكويت
اهو من الزحمة انغث و بالنهاية اكتشف انه حادث
و قال بقلبه خيره
تعوذ من ابليس و استغفر و شاف له طريج و رد البيت
قاعد بالسيارة يفكر
حس بالراحة مو مهم ربعه شيقولون بس جدام ربه راح يكون مرتاح
يدري كل غلطة راح يسويها مع اي بنت هناك بالحفلة راح ترجع حق اهل بيته
حق حبيبته
دبي
لبست بجامتها و دخلت فراشها قرت المعوذات و فتحت الوتساب
و اهيا تكتب
طلع لها
typing
شاف انها اونلاين و عوره قلبه انها قاعدة تكتب له
بس دز الكلام
و دزت الكلام
Allah yakhlena 7ag ba3ath
نفس الكلام
نفس القلب
و نفس المشاعر
و ما قدر يفصلهم الشيطان
2 comments:
عورني قلبي ♡ واستانست كملي على هالخط من الكتابات عجيب
اخيييييييييي
عاااااااااد تواااا ريلي راح المطار بيرجع الديرت وبنفترق اسبوعين
صدتيني باللحظه
اااااااااه ان شاء الله يمرون الاسبوعين بسرعه
Post a Comment