ماكو جو لندني ؟

اليوم من الصبح من قمت و لا يقول ج انه الجو بره غيم و شوي مطر 

قلت له ها ؟؟ البس بوت يعني ؟؟ 

هههههه اتغشمر طبعا مو من صجي بس ج و وايد ناس يعرفوني اني وحده ما احب جو الغيم و ارتاح بوجود الشمس 

بس اليوم و الله كان الوضع طبيعي لما طلعت يمكن لأن الغيوم لي الحين لونها ابيض و ما قلبت رمادي 

استغربت انه ماكو ولا احد بانستغرام كاتب 

صباح الجو اللندني 

اللهم لك الحمد 

تغيرنا 

امس صار لي موقف بسيط ، ذكرني بأيام قدييييييييمة 

مادري ليش من يوم كنت صغيرة و بالذات لما كنت بلإبتدائي و بعدها المتوسط ما كنت احب النظرة اللي كانوا يشوفوني فيها الناس اللي ما يعرفوني عدل 

حجمي كان وايد صغير بلإبتدائي بالنسبة حق البنات اللي معاي و كنت اتضايق لما يقولون واااي هذي شلون تشيل الجنطة او شلون تروح المدرسة 

و يمكن لأني كنت هادية وايد ما اتكلم حتى امي كانت خايفة علي بس الحمدالله انا يمكن هادية بس ما كنت استحي يعني كنت مشتركة بوايد انشطة يبي لها جرأة مثل الإذاعة و الموسيقى ووايد مسابقات 

بس انا شكلي يعطي احساس المسكينة  اللي وايد على نياتها بس الكل تفاجأ من شخصيتي الصجية 

انا مو شريرة بس انا مو مسكينة ، صح يمكن ما ارد و لا اناجر العالم حزتها لأن عيب و تربيت انه ما يصير صوتي يصير عالي و العلع 

بس وايد اتضايق لما احد يطالعني بنظرة المسكينة لأن صج صج ما احب 

من زمان من الجامعة تغيرت نظرة الكل شوي صرت جريئة اكثر بالكلام 

بس الموقف اللي صار لي امس على طول عطاني فلاش باك بشعوري قبل 

ما رديت على تصرف الإنسانة اللي امس بوقتها بس بنفس الوقت طريقة التعامل راح تختلف شوي 

و بس صباح الخير