على كثر ما كنت فاضية و ماكو شي اسويه هالإجازة اليوم بالذات يومي كان متروووووس راحت علي نومة على اول طلعة و الطلعات الباجي رحت الحمدالله
استانست وايد
لاحظت شي انه مع تغيير الجو نفسيتي تتغير و بعد انا هالايام حاسة نفسي متغيرة و صايرة وايد حساسة و كله عايشة بحب و هيمانة
بس اللي ذابحني الخوف
مادري متى افتك من هالشي ، كله اخاف يصير شي مو زين
اخاف على ج بزيادة
ماكنت جذي كلش
في سالفة او موضوع لاحظته في بعض الناس و اليوم البنات بالطلعة تكلموا فيه
وايد بنات عايشين حياة غيرهم ، تحط لها وحده فبالها و بس اول شي تنتقدها و بعدين لا شعوريا تبدى تعيش حياتها
يكسرون خاطري هالفئة
مو مشكلة انج تقلدين بس لا تنتقدين و تعيبين
مثلا تقعد تعيب على البنات اللي يصممون مثلا تيشرتات و فجأة مصممة تيشرت و تقعد تداحر بعد
و لا على لبس وحدة و بعدين لابسة نفسه
و لا تقعد تعيب على فلانة و بعدين نلقاها تعيش نفس حياتها ، نفس ماركة الجواتي اللي تحبها و لا نفس الأسلوب و لا نفس الاماكن
وايد من البنات البلوقرز يشتكون من اناس حولهم يقعدون يحنون و يعيبون و نغزات عليهم على الدعوات او الاماكن اللي يروحون لها مع انه و الله انه مو شي مهم
فجأة هالناس يحاولون انهم يتلزقون بوايد أشخاص بس عشان ينعزمون
و المشكلة انهم واضحين ووالله أسلوبكم واضح ليش تعرضين نفسج انه الناس تتكلم عنج و تقول عنج مسكينة ؟؟؟
لا و بعدين تفتح لها بلوق و لا بيزنس تبيع فيه التيشرتات و الكب كيك اللي عييت عليهم
راحت عليج و دوري لج شي يديد لانج ضايعة و مو عيب انه الواحد يلقى نفسه بعد سنين لكن لازم تلقين نفسج مو تعيشين حياة فلانة و علانه
المتميز يظل متميز و اليديد يقدر يتميز بس اللي يقلد ؟؟؟؟؟؟
الله يشافيه
- Posted using BlogPress from my iPhone
2 comments:
I know many girls are like that, I even lost a friend because of that ... I dont like copy cat :(
That's jealousy in disguise. Or simply she's (whoever she is) is jealous but in denial. In her head it goes like this "I like that. I want that. She has it, I don't. I hate that fact, let's hate on her and what she's doing so that she might hate it" .. Lol sick minds play like that.
Don't let anything hold you down. Next time anyone mocks at you say "well sweetheart, I do what makes me happy, nothing else matters" hehe.
best wishes
xxoo
Post a Comment