شلون الدوام اول شي ؟؟؟ بعد الإجازة السعيدة ؟؟
مابي اسولف وايد عنها لأني وايد تكلمت بانستغرام
قبل سنين تقريبا كثر من 15 سنة
احم احم ادري انا كبيرة
كان الوضع كله عبرة عن مجلات و كنا كلنا نقعد نقرا هالمجلات و اللي تخلص من هالمجلة تعطيها بنت خالتها و لا رفيجتها المهم مو هذا موضوعنا كان في صفحات اللي تصير حق المشاكل و مادري الصراحة اذا صج الناس كانوا يدزون مشاكلهم و لا المحررين كانوا يحطون مشاكل وهمية تتماشى مع موضوع المجلة و عشان يفيدون الناس
في سكشن المشاكل الزوجية كنت وايد اقرا عن هالمشكلة
"زوجي لا يستحم "
"زوجي رائحته كريهة"
الحمدالله الحمدالله على وقتنا الحين هالمشكلة اختفت و ما اعتقد اني في اي وحده تعاني من هالشي
حاليا البنات مو الكل طبعا يعانون من موضوع اللبس مع الريال
مشكلتنا انه المجتمع ينتقد و يتدخل و عندنا تصنيفات معينة انه الريال ما يصير يلبس جذي او الريال ما يصير يهتم باللبس اصلا
انا ملاحظة انه اغلب الشباب تغيرت هالنظرة عندهم و لا ما نشوفهم بالسوق يدشون المحلات و يشترون
في مجموعة يحبون اللبس الرسمي
الدشداشة و الغترة و العقال
و هالشي جميل
الريال اللي مو قادر يغير لازم عيل ينتبه حق شغلات معينة
خام الدشداشة
درجة اللون
و نظافتها و ترتيبها و نفس الشي الغترة
و عندنا مجموعة اللي تحب اللبس العملي
اذا انت ما تلبس دشداشة و ستايلك بس بالمناسبات لازم في اشياء معينة تحطها فبالك و لا البس دشدادشة
تكلمت بانستغرام عن هالشي
بنطلون التريننغ
"الرمادي"
ما تلبسه و انت طالع مع زوجتك تتعشى حتى لو بتروح مطاعم الفوود كورت
بتلبسه اذا بتروح ماكدونلدز اللي بمنطقتكم او بتمر الجمعية كيفك
بس طالع معاها و رايح
Mall
لا
طبعا صعبة الوحده تكلم رييلها لأن مو الكل يتقبل
انا يمكن اذا لبس ج تريننغ و راح معاي الأفنيوز ما راح اقدر اقوله روح بدل
مع انه الحمدالله اهو من نفسه يحب و يهتم بتفاصيل اللبس و اللي للأسف هالموضوع دخلني بمشاكل مالها اول و لا تالي مع ناس حولنا يتدخلون باشياء ما تخصهم
بالنهاية هذي حياتج تقدرين تكلمينه بطريقة و باسلوب تغيرين الشي اللي مو عاجبج
حطيت بانستغرام انه اذا ودج تغيرين فيه و تخلينه يلبس معاج شي راقي شوي يناسب المكان
ابدي معاه بلأسود بس غيري الخامات
و شوي شوي دخلي بعض الألوان اذا لقيتي عنده تقبل
هذا اللبس من اختيار ج ما تدخلت فيه نهائيا و اهو يهتم باللبس لأنه يحب هالشي و لأنه قاعدين نحضر ايفنتات مع بعض فيحرص انه يكون لبسه مناسب و اهو ما يحب الدشداشة وايد
بالنهاية اللي تعرضت له من كلام انه اهتمامي بلبس زوجي و شريك حياتي اهو نوع من التفاهة بنظرهم
يمكن الشي التافه بالنسبة لشخص يكون مهم لشخص ثاني و كل انسان على حسب احتياجاته و حياته و طبيعة الحياة اللي عايشها
1 comment:
ماحبيت الشورت بالايفينت
مجرد راي
Post a Comment