فتحت فايل صورنا
من زمان ما شفتهم
بهالصورة صار لنا شهرين
و بهالصورة قبل لا نكمل سنة
و هالصورة ايام الخطبة زايرني فبيتنا
و صوره قبل جم شهر
سفراتنا ، طلعاتنا ، و صورنا اول يوم العيد ، بكل عيد مر علينا
سبحان الله ، شخصين كل واحد عاش حياة و كل واحد عاش بمكان
تبدا تصير لهم حياة مع بعض تنرسم فيها ذكرياتهم بكل الشي بالسعاده و الحزن بالتعب و بالراحة
بس الحلو انه الصور و الذكريات كلها سعيدة ، كلها فيها ابتسامات و ضحك
لأن السعاده اهيا الأساس ، مهما يصير من مشاكل و ضغوطات لازم ما تهز هلأساس ، كل واحد يفكر بسعاده الثاني
نعمة من رب العالمين الحمد الله
وايد عايشين هالحياة الحلوة و مستمتعين فيها
بس
انا سطرتها و كتبتها في بلوقي و ابيها تظل طول عمري ارجع اقراها و اعيش لحظاتها
و ارجع أحب و اظل احب
انا معاه و قاعده معاه و كل يوم قبل لا انام افكر فيه و انام ، استانس لما احلم فيه
ادري انه انشالله اهو معاي طول العمر بس ما اقدر اقول اني خلاص احبه
لأني كل يوم اكتشف اني احبه اكثر
"هو صحيح إني قدرت أوصلك لكن ماني عارف وين أبوصل في المحبه فوق هذا الحب أحبك"
No comments:
Post a Comment