وصلتني دعوة من بنك بوبيان لحضور امسية خاصة لعميلات حساب "بلاتينيوم"في فندق ميسوني
الحلو باللقاء انه كان بحضور الشيف /أسماء البحر
الفائزة بفئة الطبخ في برنامج
I Wish
و راح تطبخ بعض من اطباقها المميزة للعميلات ، و بما ان علاقتي مع الطبخ و المطبخ علاقة "الصد و الهجران"و كان مكتوب بالدعوة اني اقدر اييب معاي ضيفة فقررت انه ضيفتي اكيد راح تكون
أمي
اول ما وصلنا كانوا باستقبالنا موظفات بنك بوبيان اللي رحبوا فينا ما قصروا و كانوا مشالله متعاونين و يحاولون انهم بس يريحيون العميلات
و بدت الشيف أسماء بالطبخ
و باعداد الأطباق و كان في تواصل و تفاعل مباشر مع العميلات و كان واضح انهم وايد وايد مستمتعين معاها لأنهم وايد كانوا يسألونها و يشاركون معاها
و هذا الطبق الأول و كان عبارة عن سلطة شمندر
ما ذقته :( لأني ريجيم
بس وايد امدحوه
كل طبق كانت تسويه اسماء يتوزع منه سامبلز للحضور عشان يجربونه
المهم و بدت الطبق الثاني و بدت ريحة حمسة البصل ههههه و ما قصروا موظفات البنك مجهزين قاعة ثانية فيها شاشات عشان اذا ما نبي نكون مجابلين الريحة و الطباخ حق الناس اللي نفس حالتي
و مجهزين على كل الطاولات الوصفات اللي راح تسويها الشيف أسماء
و كنا نقدر نشوف بالشاشات طريقة اعداد الاطباق
و هذا اهو الطبق الثاني و كان عبارة عن فيليه سمك
مشالله شكله حده لذيذ طبعا ما ذقته بس اللي ذاقوه امدحوه وايد
و اخيرا طبق الحلو كان عجينة جلاش بالجيز كيك و طبعا ما ذقته بعد
وايد وايد قالوا عنه حلو و امدحوه
اعتقد الوصفات كلها انشالله راح تكون بأكاونت الشيف أسماء
خلصت الشيف أسماء
و يحلوها و يا حلو روحها لأن الكل قعد يصور معاها
و هذي امي صورت معاها ووايد كانت مستانسة
صورتي معاها ما كانت حلوة عشان جذي ما راح احطها ههههه
في الفترة الثانية من الأمسية كانت عبارة عن تعريف و معلومات اكثر عن حساب بلاتينيوم و المميزات اللي ممكن انه تحصل عليها العميلة
و هذي بعض المعلومات
صمم حساب “بلاتينيوم” من بنك بوبيان لتلبية المتطلبات الشخصية والمهنية للنخبة المتميزة. يوفر حساب بلاتينيوم عالماً متكاملاً من أرقى الخدمات المصرفية الشخصية المتوافقة مع أحكام الشريعة الإسلامية والإمتيازات الخاصة التي تناسب أسلوب حياتك وتتجاوز تطلعاتك.
للراتب من 2,000 د.ك وأكثر أو رصيد لا يقل عن30,000 د.ك في أحد حسابات أو ودائع البنك.
احصل على مميزات بقيمة تتجاوز 1,500 د.ك مجانًا
مسؤول حساب شخصي على إستعداد تام لزيارتك أينما كنت
جميع حسابات بنك بوبيان معفاة من رسوم الحد الأدنى للرصيد
دفتر شيكات للحساب الجاري بدون أية عمولة
السرعة والأولوية في إنهاء معاملات التمويل الشخصي الخاصة بك
مزايا إضافية على حملات ترويجية مختارة للتمويل الشخصي
فروع مخصصة لعملاء بلاتينيوم
العديد من الخصومات والعروض الحصرية
و اذا تبون تعرفون معلومات اكثر عن الحساب زوروا موقع بنك بوبيان
و فولوا اكاونتهم بانستغرام
@Bankboubyan
شكرا بنك بوبيان على الدعوة و شكرا خاص للموظفات مشالله على جهودهم و خصوصا الإخت زهراء اللي كان تعاملها اينن مع الكل بدون استثناء
No comments:
Post a Comment